This portal uses its own or third-party cookies for analytical purposes, as well as links to third-party portals in order to share content on social networks. You can get more information in the <a href="https://pro-assets-usc.azureedge.net/en/legal-notice">cookies policy</a>.

    A Orquestra e Coro da USC lanza o proxecto x+MÚSICA

    Instante do concerto da contrabaixista Dina Durán Rodríguez, gravado en Ciencias da Comunicación
    Instante do concerto da contrabaixista Dina Durán Rodríguez, gravado en Ciencias da Comunicación
    A iniciativa, que busca conectar xeracións a través da música, arranca coa publicación do concerto da contrabaixista Dina Durán Rodríguez

    A Orquestra e Coro da Universidade de Santiago de Compostela (OCUSC) presenta x+MÚSICA, un proxecto que busca conectar diferentes xeracións de músicos que tiveron ou seguen tendo vínculo coa agrupación, ofrecéndolles a oportunidade de actuar como solistas ou de estrear as súa composicións en concertos organizados pola OCUSC. Ademais, cada interpretación será gravada en alta calidade.

    X+MÚSICA arranca coa publicación do primeiro vídeo, no que a contrabaixista Dina Durán Rodríguez interpreta o Concerto en Si menor de Bottesini xunto á OCUSC. Esta gravación, realizada coa calidade profesional que caracteriza as producións da USC, estará dispoñible nos canais oficiais da OCUSC.

    Os concertos deste proxecto serán programados anualmente e están abertos a propostas de antigos e actuais membros da OCUSC, garantindo a excelencia interpretativa e a posibilidade de dar visibilidade a novos talentos musicais.

    Toda a información sobre as bases de participación e futuras convocatorias estará dispoñible a través do correo orquestra.universidade@usc.es.

    The contents of this page were updated on 02.11.2025.