Lingua alemá 4

Preténdese afianzar e ampliar os coñecementos de lingua adquiridos na materia do curso 'Lingua Alemá 3'. Trátase dun curso de 6 horas semanais cunha orientación eminentemente práctica e centrado nas competencias comunicativas.
Obxectivo destacado do curso será a aplicación escrita e oral das estruturas lingüísticas aprendidas.
Outro punto central será o ensino de estratexias que fomenten a aprendizaxe autónoma.

O nivel de lingua que segundo o marco europeo de referencia debe alcanzar o alumnado será en todo caso o B1.1:

"Adquírese ao ser quen de comprender os puntos principais de textos claros e en lingua estándar se tratan sobre cuestións coñecidas, xa sexa en situacións de traballo, de estudo ou de ocio; ao saber desenvolverse na maior parte das situacións que poiden xurdir durante unha viaxe por zonas onde se utiliza a lingua; ao ser quen de producir textos sinxelos e coherentes sobre temas familiares ou nos que ten un interese persoal e cando se poden describir experiencias, acontecementos, desexos e aspiracións, así como xustificar brevemente opinións ou explicar plans."

O curso baséase no libro de texto: ""Netzwerk neu B1.1". Kurs- und Übungsbuch." (Klett Verlag). Os contidos máis destacados son os seguintes:

1. Ampliación de vocabulario relacionado con contextos da vida persoal e cotiá e perfeccionamento da capacidade expresiva
2. Afondamento nas estruturas elementais da gramática alemá
3. Lectura selectiva e global de textos de vocabulario frecuente
4. Técnicas de expresión oral
5. Exercicios de comprensión auditiva
6. Afondamento nas estruturas da fonética alemá
7. Recursos e técnicas de aprendizaxe
8. Redacción de textos descritivos e narrativos
8. Aspectos socioculturais dos países de fala alemá

a) Bibliografìa básica:

Stefanie Dengler, Tanja Mayr-Sieber, Paul Rusch, Helen Schmitz (2020): Netzwerk neu B1.1. Libro del alumno y libro de ejercicios con audios y vídeos. Editorial Klett. (ISBN 978-3-12-607170-3)


b) Bibliografía complementaria:

Diccionario grande: español-aleman aleman-español
Editorial Langenscheidt, ISBN: 3468978022

Handwörterbuch Spanisch. Spanisch-Deutsch/Deutsch-Spanisch. Wörterbuch mit Grammatik. Editorial Langenscheidt, ISBN: 3-468-05345-2.

Klipp und Klar. Übungsgrammatik Grundstufe Deutsch. Buch mit Lösungen. Christian Fandrych , Ulrike Tallowitz. Klett. ISBN: 978-3-12-675322-7.

Übungsgrammatik. Deutsch als Fremdsprache. Axel Hering/ Magdalena Matussek/ Michaela Perlmann-Balme (Hrsg.) Editorial Hueber. ISBN: 3-19-001657-7.

Véxanse as descripcións do marco europeo de referencia con respecto ó nivel B1.1.

O desenvolvemento da materia centrarase ante todo na aplicación práctica das estruturas adquiridas, tendo en conta as catro destrezas: ler, falar, escoitar e escribir. A estrutura e planificación do curso rexerase polos principios do ensino da lingua desde un punto de vista comunicativo e centrada nos estudantes. Traballarase co libro de texto "studio d B1.", ademais con materiais auténticos de Alemaña, Austria e Suíza.

1. Exame escrito: 70 % da nota global.
2. Exame oral: 30 % da nota global.

Aprobar o exame escrito é condición necesaria para poder realizar o exame oral.
Para superar o curso será necesario aprobar tanto o exame escrito como o oral.
Estudantes con dispensa oficial de asistencia a clase serán avaliados sobre a base do exame final escrito (70%) e oral (30 %).


Segunda oportunidade:
O sistema de avaliación será o mesmo nas convocatorias de xaneiro e xuno.

En caso de realización fraudulenta de exercicios ou probas, será de aplicación o recolleito no art. 16 da Normativa de avaliación do rendemento académico dous estudantes e de revisión de cualificacións.

6 horas semanais presenciais.
Como mínimo 3 horas semanais de traballo individual.

Participar con regularidade e de maneira activa nas clases.
Aproveitar as titorías para aclarar dúbidas individuais.
Buscar o contacto directo coa lingua alemá a través da lectura e dos medios de comunicación (prensa, televisión, cine, internet, etc.).

A materia impartirase de maneira comprimida en seis horas semanais durante a segunda parte do primeiro cuadrimestre (dende o final de outubro de 2023 ata o final do semestre).