A normativa aplicable ao recoñecemento de créditos na USC é a establecida no Regulamento en materia de recoñecemento e transferencia de créditos para os estudos oficiais de grao e máster, aprobado polo Consello de Goberno o 24 de xullo de 2024.
Complétase este marco normativo coas Resolucións Reitorais do 5 e do 17 de febreiro de 2025. A primeira delas relativa ao recoñecemento de actividades e á súa equivalencia en créditos, e a segunda na que se incorpora a posibilidade de solicitar unha consulta previa do expediente para os efectos de información sobre as materias recoñecibles nunha determinada titulación.