Composición
Coordinadora
A Coordinadora do Consello do Estudantado é o órgano encargado de executar a xestión ordinaria do Consello, está composta pola Presidencia, a Vicepresidencia, a Secretaría, a Tesouraría, a Coordinación de Campus.
(Ver composición da Coordinadora máis abaixo)
Pleno
Son membros plenarios os representantes no Consello de Goberno, que son membros natos, e os eleitos no proceso específico das Facultades, Escolas e das seccións da EDIUS. Contan tanto con voz e con voto.
(Ver composición do Pleno máis abaixo)
Asociacións
As asociacións rexistradas na Universidade participan con voz pero sen voto tanto nas sesións plenarias como nos Grupos de Traballo.
Asociacións de estudantes da USC: https://www.usc.gal/gl/servizos/area/bolsas- axudas/asociacionismo/listaxe-asociacions-estudantes
Claustrais
O estudantado eleito como membro do Claustro Universitario parcicipa con voz pero sen voto tanto nas sesións plenarias como nos Grupos de Traballo.
Claustro Universitario: https://www.usc.gal/gl/usc/institucional/goberno/claustro- universitario
Consellos Colexiais
Un representante de cada un dos Consellos Colexiais das residencias e Colexios Maiores que forman parte do Sistema Universitario de Residencias da USC participa no consello con voz pero sen voto.
Asemade, calquera estudante que o solicite enviando un correo electrónico a consello.estudantado@usc.gal poderá participar con voz pero sen voto tanto nas sesións plenarias como nos Grupos de Traballo.
