O curso que forma parte do plan formativo do Campus Terra desenvólvese o 3 de setembro na Facultade de Ciencias. A inscrición permanece aberta en liña
A Facultade de Ciencias do Campus de Lugo da USC acolle o 3 de setembro, en quenda de 10.00 a 20.00 horas, un curso sobre técnicas de antropometría na docencia universitaria. Este módulo formativo incluído no plan de formación complementaria do Campus Terra, está coordinado por Patricia Regal e será impartido por José Miguel Martínez Sanz. A inscrición permanece aberta en liña.
O programa do curso, para o que se ofrecen 10 prazas, permitirá ao alumnado inscrito coñecer os protocolos de medición en antropometría en diferentes poboacións para a súa aplicación no contexto docente. A aplicación das medidas antropométricas para a estimación da composición corporal e a localización e recollida das medidas antropométricas básicas, pregaduras cutáneas e perímetros corporais completan os contidos dun curso dirixido fundamentalmente a persoal docente e investigador.