Acaba de comezar o curso... Se cadra é o teu primeiro ano aquí... Habería que buscar unha escusa para coñecer xente nova ou reconectar cos amig@s do curso pasado... Pois velaquí a tes!
Arrinca o cuadrimestre coñecendo xente da túa facultade ou do campus , xogando a un xogo divertido pasándoo ben... e ademais aprendendo sobre Lugo.
A Comisión de Normalización Lingüística da Facultade de Veterinaria, convídate a xogar ao...
É unha competición de trivial en galego, que se vai desenvolver o martes 17 de setembro de 2024 a partir das 18,15 h na Cafetaría da Facultade de Veterinaria.
Poden participar ata 6 equipos formados por entre 2 e 4 persoas, estudantado, profesorado ou PAS do campus de Lugo. As normas detalladas e a mecánica de xogo poden consultarse na propia convocatoria.
O equipo gañador levará como premio —ademais da satisfacción da vitoria— un lote de produtos galegos e un xogo de mesa "Ti non es de aquí?"
A inscrición realízase a través deste formulario, e vai estar aberta ata o 17 de setembro ás 12 h, pero os equipos vanse admitir segundo a súa orde de inscrición. Así que bule, busca tres amig@s, compañeir@s de clase, de piso ou de residencia, ou fai un chamamento por redes sociais, e corre apuntarte antes de que outra xente se che adiante.
E se non queres participar, non perdas a oportunidade de aprender, pasalo ben e coñecer xente... chégate pola Cafetaría de Veterinaria o 17 de setembro a partir das 18,15 h e anima aos teus favoritos.