Fondo pesar polo pasamento do profesor Alejandro Ballesteros Ron
Foi profesor titular do Departamento de Economía Aplicada da Facultade de Ciencias Económicas e Empresariais compostelá. A comunidade desta facultade destaca a súa entrega, responsabilidade e dedicación á docencia
A USC manifesta o seu fondo pesar polo pasamento de Alejandro Ballesteros Ron, profesor titular do Departamento de Economía Aplicada da Facultade de Ciencias Económicas e Empresariais compostelá e súmase á dor da súa familia e amizades. Finado este mércores, foi profesor na USC desde 1991, así como coordinador de programa de doutoramento da Facultade entre 2002 e 2007, vicedecano de Relacións Exteriores entre 2007 e 2010 e vicedecano de Estudantes e Intercambios nun período posterior.
Dende o decanato da Facultade de Ciencias Económicas e Empresariais destacan a súa dimensión académica e persoal e as súas compañeiras e compañeiros manifestan o seu pesar pola "tristísima noticia" do pasamento.