Cursos de formación teatral.

Oferta de formación que abrangue desde a iniciación ao teatro á interpretación, a dirección teatral ou a escrita dramática.

Campus de Santiago

Xoves 18 de setembro de 2025, 20.00 h

Sala de Teatro Roberto Vidal Bolaño (Auditorio da Universidade. Campus Sur)

Presentación do programa da Aula de Teatro

Encontro aberto a todas as persoas interesadas na actividade teatral, desde a formación ata a produción escénica. Presentaremos o programa a desenvolver durante este curso académico e poderás preguntar e resolver calquera dúbida que teñas ao respecto do traballo a realizar: probas de acceso, matrículas, contidos, profesorado, etc.

Luns 22, martes 23 e mércores 24 de setembro de 2025, desde as 18.00 h

Sala de Teatro Roberto Vidal Bolaño (Auditorio da Universidade. Campus Sur)

Probas de acceso

Durante estes tres días podes acudir a esta convocatoria onde o que facemos é realizar unha serie de exercicios e entrevistas para coñecer o perfil das persoas que se presentan e o seu interese específico (iniciarse na arte dramática, avanzar en coñecementos, etc.) e así poder suxerirlles os espazos onde mellor poden estar: compañía de teatro, escola de teatro e/ou cursos de iniciación ao teatro.

Non precisas ter experiencia previa.

Luns 29 de setembro de 2025

Inicio da matrícula na Escola de Teatro e nos Cursos de Iniciación ao Teatro

Unha vez confirmada a admisión nos diferentes espazos poderás formalizar a túa matrícula desde o 29 de setembro ata o 5 de outubro no enderezo electrónico area.cultura@usc.gal

Luns 6 de outubro de 2025

Inicio da actividade teatral nos diferentes espazos: Compañía de Teatro, Escola de Teatro e Cursos de Iniciación ao Teatro

Campus de Lugo

Información pendente de publicar

A USC recoñece os cursos de formación cultural organizados pola Área de Cultura a efectos de créditos ECTS, en todas as titulacións de Grao, para o estudantado da USC que estivese matriculado nun grao no momento de realizar o curso de danza (RR del 5/12/2025) e recibirán a tal efecto un certificado de crédito, sempre e cando cumpran coa asistencia ao 80% das horas lectivas do curso, coa seguinte equivalencia: 1 crédito por cada curso de 25 horas de duración (máximo 12 créditos en total).
Área de Cultura
Colexio San Xerome
Praza do Obradoiro s/n., 15782
Santiago de Compostela
881 811 018
881 811 103
area.cultura@usc.gal
Área de Cultura
Edificio Intercentros
Rúa Bernardino Pardo Ouro, s/n. Campus Universitario, 27002
Lugo
982 821 513
cultura.lugo@usc.es