- Pode consultar, a través da Secretaría Virtual do Persoal Docente e Investigador, as actividades do Plan de Formación en que se matriculou.
- Premendo no enlace Estatística de PFID da Secretaría Virtual do PDI pode ver un resumo da súa situación e unha táboa con todos os cursos (Código e nome) nos que se inscribiu coa indicación de se estivo matriculado/a (Seleccionada/o), se asistiu (Diploma asistencia) e o número de horas (N.º Horas) de cada curso.
Ademais dos diplomas de cada curso, a USC expide o Diploma de Docencia Universitaria (DDU) como recoñecemento da formación realizada no marco do Plan de Formación para PDI-PI.
Requisitos
O Diploma de Docencia Universitaria require ter completadas 100 horas de actividades formativas do Plan de Formación para PDI-PI e/ou do anterior PFID.
Para este cómputo cómpre ter en conta:
- O Programa de Formación de Acollida non computa para a obtención do DDU. Tampouco as actividades soltas deste programa.
- Algunhas actividades formativas do Plan de Formación para PDI-PI non computan para este diploma, o que se indica expresamente na convocatoria.
- Poderanse computar actividades organizadas por centros docentes e de investigación, departamentos e grupos de investigación e innovación, recoñecidas polo Centro de Formación, ata un máximo de 20 horas.
- Non se computarán dúas veces as mesmas actividades formativas.
- O máximo de horas computables no ámbito da prevención de riscos laborais será de 15 horas.
Como solicitar o Diploma de Docencia Universitaria:
A solicitude debe enviarse ao correo electrónico formaci%C3%B3n.pdi [at] usc.gal (formación[dot]pdi[at]usc[dot]gal), co asunto “Solicitude de DDU”, indicando nome completo e DNI.