Máster Universitario en Física

Condicións de terminación:

Obrigatorios: 6
Optativos vinculados: 24
Optativos libres e/ou vinculados:18
Traballo fin de máster: 12
Total: 60

Para obter o título de Máster Universitario en Física, do total dos créditos propostos, o alumnado deberá cursar os 6 créditos das materias obrigatoria, 12 créditos do Traballo de fin de máster, 24 correspondentes a materias dos módulos de optativas vinculadas a calquera das catro especialidades do mestrado e, os outros 18 restantes, pode elixilos de entre os contidos no catálogo de optativas libres ou vinculadas.

O título contempla as seguintes especialidades:

- Física Nuclear e de Partículas
- Física da Materia
- Física da Luz e a Radiación
- Física Fundamental

Ademais dos requisitos xerais do título, para obter algunha das especialidades previstas, o alumno/a deberá cumprir as seguintes condicións:

1) Cursar polo menos 12 ECTS de materias vinculadas á especialidade elixida.
2) Realizar o TFM vinculado á devandita especialidade.

Este máster, esencialmente investigador, proporciona unha formación actual de vangarda en Física, que permite tamén a inserción profesional dos egresados en empregos de distintos sectores produtivos como o académico, o industrial, o tecnolóxico ou o investigador.

• Perfil de ingreso

  Non se contempla

• Número mínimo de créditos ECTS de matrícula por estudante e período lectivo

  Condicións de terminación:

  Obrigatorios: 6
  Optativos vinculados: 24
  Optativos libres e/ou vinculados:18
  Traballo fin de máster: 12
  Total: 60

• Acción titorial e acollida

  Entre as accións de apoio formativo e orientación aos estudantes, a Comisión Académica do máster asegurarase de que todos os estudantes teñan a posibilidade de recibir titorización persoal e efectuará ademais un seguimento directo e continuado de todas as actividades que realicen e que, ademais configúrase como a canle a través da cal vanse a canalizar polos alumnos todas as dúbidas e incidentes que se lles presenten. A figura do titor/orientador efectuarase en todas e cada unha das materias que integran as materias formativas e será básica na axuda á elección do perfil de estudos e o seu seguimiento académico ata a finalización do periodo formativo que deberá concluír coa defensa do Traballo de Fin de Máster.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  Modalidade: requisitos xerais

  Titulacións de acceso:

  -Licenciatura ou grao en Física
  -Titulacións da rama de ciencias, e de Enxeñaría e Arquitectura.

  Información actualizada en cada convocatoria de matícula

Modalidade: requisitos xerais

Titulacións de acceso:

-Licenciatura ou grao en Física
-Titulacións da rama de ciencias, e de Enxeñaría e Arquitectura.

Información actualizada en cada convocatoria de matícula

• Competencias básicas

  - Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación
  - Que os estudantes saiban aplicar os coñecementos adquiridos e a súa capacidade de resolución de problemas en contornos novos ou pouco coñecidos dentro de contextos máis amplos (ou multidisciplinares) relacionados coa súa área de estudo
  - Que os estudantes sexan capaces de integrar coñecementos e enfrontarse á complexidade de formularen xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos.
  - Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades
  - Que os estudantes posúan as habilidades de aprendizaxe que lles permitan continuar estudando dun modo que haberá de ser en grande medida autodirixido ou autónomo.

• Competencias xerais

  - Adquirir a capacidade de realizar traballos de investigación en equipo.
  - Ter capacidade de análise e de síntese.
  - Adquirir a capacidade para redactar textos, artigos ou informes científicos conforme aos estándares de publicación.
  - Familiarizarse coas distintas modalidades usadas para a difusión de resultados e divulgación de coñecementos en reunións científicas.
  - Aplicar os coñecementos á resolución de problemas complexos.

• Competencias específicas

  1. Coñecer os sistemas operativos e linguaxes de programación relevantes en física.
  2. Resolver problemas alxebraicos, de resolución de ecuacións e de optimización mediante métodos numéricos.
  3. Modelar e simular fenómenos físicos complexos por ordenador.
  4. Manexar aplicacións informáticas de cálculo simbólico.
  5. Adquirir unha formación avanzada orientada á especialización investigadora e académica, que lle permitirá adquirir os coñecementos necesarios para acceder ao doutoramento.
  6. Adquirir a capacitación para a investigación en temas abertos, na fronteira do coñecemento.
  7. Familiarizarse co modelo estándar das interacións fundamentais e coas súas posibles extensións.
  8. Adquirir a capacitación para o uso das principais ferramentas computacionais e o manexo das principais técnicas experimentais da Física Nuclear e de Partículas.
  9. Adquirir un coñecemento en profundidade da estrutura da materia no réxime de baixas enerxías e a súa caracterización.
  10. Dominar o conxunto de ferramentas necesarias para que poida analizar os diferentes estados en que pode presentarse a materia.
  11. Comprender e asimilar tanto aspectos fundamentais como máis aplicados da Física da luz e a radiación.
  12. Adquirir coñecementos e dominio das estratexias e sistemas de transmisión da luz e a radiación.
  13. Proporcionar un panorama xeral da Física actual, así como as ferramentas interdisciplinares que lles permitan abordar con éxito tanto a súa profesión como a súa investigación en calquera campo da Física.

• Competencias transversais

  - Capacidade para interpretar textos, documentación, informes e artigos académicos en inglés, idioma científico por excelencia.
  - Desenvolver a capacidade para a toma de decisións responsábeis en situacións complexas e/ou responsábeis

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):
Portal Internacional

Prácticas

Non se contemplan

1.- TRABALLO FIN DE MÁSTER (ESPECIALIDADE EN FÍSICA NUCLEAR E DE PARTÍCULAS)
No presente TFM o alumno desenvolverá unha memoria relativa a algún aspecto avanzado do sector da Física Nuclear e de Partículas con vistas á súa posterior defensa pública ante un tribunal designado ao efecto.
A memoria citada no apartado anterior deberá versar sobre algún aspecto relacionado coa Física Nuclear e de Partículas, entre as que poderían citarse as seguintes:
a. Estudo dos constituíntes fundamentais da materia.
b. Modelo estándar das interaccións fundamentais e as súas posibles extensións.
c. Manexo das principais técnicas experimentais e computacionais da Física Nuclear e de Partículas.
d. Estrutura astrofísica ou reaccións nucleares.

2.- TRABALLO FIN DE MÁSTER (ESPECIALIDADE EN FÍSICA DA MATERIA)
No presente TFM o alumno desenvolverá unha memoria relativa a algún aspecto avanzado do sector da Física da Materia con vistas á súa posterior defensa pública ante un tribunal designado ao efecto.
A memoria citada no apartado anterior deberá versar sobre algún aspecto relacionado coa Física da Materia, entre as que poderían citarse as seguintes:
a. Estrutura da materia e a súa caracterización: teoría e técnicas experimentais.
b. Análise dos estados da materia.
c. Transicións de fase.
d. Física de sistemas na nanoescala.
e. Estrutura e propiedades electrónicas.
f. Física de superficies.
3.- TRABALLO FIN DE MÁSTER (ESPECIALIDADE EN FÍSICA DA LUZ E A RADIACIÓN)
No presente TFM o alumno desenvolverá unha memoria relativa a algún aspecto avanzado do sector da Física da Luz e a Radiación con vistas á súa posterior defensa pública ante un tribunal designado ao efecto. A memoria citada no apartado anterior deberá versar sobre algún aspecto relacionado coa Física da Luz e a Radiación, entre as que poderían citarse as seguintes:
a. Xeración e caracterización física de estados clásicos e cuánticos da luz e da radiación electromagnética.
b. Propagación e interacción lineal e non lineal da luz coa materia e estruturas materiais nos dominios espacial e temporal.
c. Estratexias e sistemas de transmisión da luz e a radiación electromagnética.
d. Procesado clásico e cuántico de información óptica.
e. Propiedades da luz e da radiación.
f. Deseño de sistemas ópticos e instrumentación óptica.
4.- TRABALLO FIN DE MÁSTER (ESPECIALIDADE EN FÍSICA FUNDAMENTAL)
No presente TFM o alumno desenvolverá unha memoria relativa a algún aspecto avanzado do sector da Física Fundamental con vistas á súa posterior defensa pública ante un tribunal designado ao efecto.
A memoria citada no apartado anterior deberá versar sobre algún aspecto relacionado coa Física Fundamental, entre as que poderían citarse as seguintes:
a. Mecánica cuántica avanzada.
b. Física de fluídos.
c. Electrodinámica clásica.
d. Acústica.
e. Fenómenos de transporte de enerxía, materia, cantidade de movemento, etc.
f. Física médica e dosimetría.
g. Física medioambiental.
Nesta materia o alumno desenvolverá competencias específicas propias do ámbito científico asociado a súa temática, ademais de competencias xerais na elaboración, exposición e defensa de memorias complexas de docencia e investigación.
A metodoloxía docente consistirá en seminarios e titorización individualizada dos alumnos e os criterios e método de avaliación será a elaboración dunha memoria e defensa pública da mesma ante unha Comisión designada ao efecto.

O profesorado está composto por profesores que pertencen a departamentos da propia Universidade, con experiencia docente e investigadora moi ampla nos campos implicados na titulación.