Máster Universitario en Xenómica e Xenética

Condicións de terminación:

Obrigatorias: 21
Optativas: 15
Prácticas externas OB 9
Traballo fin de máster: 15
Total: 60

O mestrado contempla tres especialidades:

-Especialidade en Diversidade Xenética
-Especialidade en Aplicacións Xenéticas
-Especialidade en Xenética Humana

Para obter unha especialidade o alumno deberá cursar cinco materias optativas do módulo da especialidade elixida. Pódese obter a titulación sen especialidade; neste caso o alumno poderá elixir as cinco materias optativas que ten que cursar de entre todas as ofertadas na titulación sen ter en conta o módulo ao que pertencen.

Máster Universitario en Xenómica e Xenética pola Universidade de Santiago de Compostela e a Universidade de Vigo.

O persoal docente involucrado na ensinanza do Máster forma parte de grupos de investigación punteiros en Xenómica e Xenética, tanto de Universidades como Centros de Investigación, con gran prestixio nacional e internacional. Deste xeito, os estudantes coñecerán de primeira man as técnicas e metodoloxías máis actuais e innovadoras nestes campos.

• Perfil de ingreso

  Este mestrado está dirixido a persoas dinámicas, con capacidade de traballo en equipo e con interese na investigación científica e tecnolóxica, nunha formación actual e continua así como na transferencia dos coñecementos xenéticos e xenómicos ao sector industrial e produtivo.

• Número mínimo de créditos ECTS de matrícula por estudante e período lectivo

  Condicións de terminación:

  Obrigatorias: 21
  Optativas: 15
  Prácticas externas OB 9
  Traballo fin de máster: 15
  Total: 60

• Acción titorial e acollida

  A Comisión Académica asignará a un titor a cada estudante. O devandito titor será responsable de facer o seguimento do estudante e do seu asesoramento académico. O titor orientará os alumnos sobre as opcións académicas máis convenientes e eficaces para culminar os seus estudos con éxito.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  Modalidade: criterios xerais

  Titulacións de Acceso por orde de preferencia:

  1º Lic. o Grao en Bioloxía, Bioquímica, Biotecnoloxía, Ciencias Ambientais, Ciencias do Mar, Ciencia e Tecnoloxía dos Alimentos, Enxeñaría Agrícola, Enxeñaría Biomédica, Enxeñaría Agrícola e Agroalimentaria, Enxeñaría Forestal e do Medio Natural, Farmacia, Medicina, Nutrición Humana e Dietética, Psicología, Química, e Veterinaria.

  2º Titulacións das ramas de Ciencias, Ciencias da Saúde e Enxeñaría e Arquitectura

  Os alumnos procedentes de países de lingua diferente ao galego, portugués ou español deberán acreditar o nivel de lingua galega Celga II, ou española B1, consonte o Acordo do Consello de Goberno da USC do 30 de xullo de 2018.
  De non posuíren algún dos títulos, a USC realizaralles unha proba de nivel e, de non superala, deberán asistir a un curso intensivo de galego ou español no primeiro semestre até acadaren o nivel requirido.

  No caso de unha das universidades non cubrir toda a oferta, as prazas vacantes poderán acumularse na outra

  Información actualizada en cada convocatoria de matrícula

Modalidade: criterios xerais

Titulacións de Acceso por orde de preferencia:

1º Lic. o Grao en Bioloxía, Bioquímica, Biotecnoloxía, Ciencias Ambientais, Ciencias do Mar, Ciencia e Tecnoloxía dos Alimentos, Enxeñaría Agrícola, Enxeñaría Biomédica, Enxeñaría Agrícola e Agroalimentaria, Enxeñaría Forestal e do Medio Natural, Farmacia, Medicina, Nutrición Humana e Dietética, Psicología, Química, e Veterinaria.

2º Titulacións das ramas de Ciencias, Ciencias da Saúde e Enxeñaría e Arquitectura

Os alumnos procedentes de países de lingua diferente ao galego, portugués ou español deberán acreditar o nivel de lingua galega Celga II, ou española B1, consonte o Acordo do Consello de Goberno da USC do 30 de xullo de 2018.
De non posuíren algún dos títulos, a USC realizaralles unha proba de nivel e, de non superala, deberán asistir a un curso intensivo de galego ou español no primeiro semestre até acadaren o nivel requirido.

No caso de unha das universidades non cubrir toda a oferta, as prazas vacantes poderán acumularse na outra

Información actualizada en cada convocatoria de matrícula

• Competencias básicas

  - Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación
  - Que os estudantes saiban aplicar os coñecementos adquiridos e a súa capacidade de resolución de problemas en contornos novos ou pouco coñecidos dentro de contextos máis amplos (ou multidisciplinares) relacionados coa súa área de estudo
  - Que os estudantes sexan capaces de integrar coñecementos e enfrontarse á complexidade de formularen xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos
  - Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades
  - Que os estudantes posúan as habilidades de aprendizaxe que lles permitan continuar estudando dun modo que haberá de ser en grande medida autodirixido ou autónomo.

• Competencias xerais

  - Capacidade de organización e planificación do estudo e a experimentación nas áreas de coñecemento implicadas
  - Integrar coñecementos e enfrontarse a á toma de decisións a partir de información científica e técnica.
  - Transmitir os resultados do estudo e a investigación a públicos especializados, académicos e xeneralistas.
  - Creatividade para xerar novas ideas e aplicalas no seu estudo actual e posterior.
  - Capacidade de superación perante a frustración e en situacións de estrés.

• Competencias específicas

  - Comprender a relación entre a xenómica e a xenética e a saúde humana, animal e vexetal, necesaria para o desenvolvemento das diversas funcións dun profesional orientado ao avance da saúde.
  - Coñecer os métodos e tecnoloxías seguros para a aplicación de futuros desenvolvementos da xenómica e a xenética en diversos sectores produtivos.
  - Desenvolver as destrezas e habilidades en análise xenómica e xenética, e en consello xenético.
  - Ser capaz de levar a cabo a trazabilidade do material xenético para a detección de mutacións e o control de riscos e identificación de puntos críticos, na saúde, a produción, a manipulación e o procesado
  - Adquirir coñecementos e habilidades no desenvolvemento do traballo científico nas ciencias da vida, polo menos unha das seguintes áreas de coñecemento: xenética, fisioloxía, anatomía patológica, medicina legal e forense, produción animal, produción vegetal.
  - Saber manexar as fontes de información relacionadas coa xenómica (e outras ómicas), a xenética, as súas tecnoloxías e os aspectos de seguridade, incluíndo a produción animal e vexetal.

• Competencias transversais

  - Capacidade para comprender o significado e aplicación da perspectiva de xénero nos distintos ámbitos de coñecemento e na práctica profesional co obxectivo de alcanzar unha sociedade máis xusta e igualitaria
  - Capacidade para comunicarse oralmente e por escrito en lingua galega
  - Sustentabilidade e compromiso ambiental. Uso equitativo, responsable e eficiente dos recursos
  - Capacidade para a aprendizaxe e a integración no traballo en equipos multidisciplinares, a cooperación e o compañeirismo, incluíndo o ámbito internacional
  - Capacidade de reflexión desde distintas perspectivas do coñecemento
  - Capacidade de xestión de información, resolución de problemas e toma de decisións
  - Capacidade para elaborar, expoñer e discutir un texto científico-técnico organizado e comprensible
  - Habilidade para o manexo de Tecnoloxías da Información e a Comunicación (TIC)
  - Capacidade de negociación no ámbito académico e no traballo experimental

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

O alumno/a deberá realizar 9 créditos de prácticas externas. A comisión académica do mestrado proporá diferentes opcións para realizar as prácticas en centros de investigación e empresas. O alumnado poderá integrarse en departamentos da Universidade de Santiago e en centros de investigación e formación da administración central e autonómica, así como en empresas onde desenvolvan actividades relacionadas coa temática do mestrado.

O Traballo de Fin de Master é unha actividade fundamental na formación do alumnado, dado que inclúe todo o proceso de formulación, desenvolvemento e defensa dun proxecto profesional. Os seus contidos inclúen a planificación de tarefas para resolver un proxecto, a realización da devanditas tarefas, e finalmente a concreción dos resultados nunha memoria explicativa do problema formulado, o procedemento seguido para o seu estudo ou elaboración, a interpretación dos resultados ou do deseño e finalmente o resultado ou a plasmación do proxecto final.

Este Traballo supón un total de 15 créditos, e, en forma semellante ás prácticas externas, aínda que cunha formulación diferente en canto ao seu deseño e execución, poderá desenvolverse en centros, departamentos, institutos e grupos de investigación, das universidades organizadoras, noutras institucións que participan no mestrado e en empresas, organizacións públicas e privadas, institucións etc.

Profesorado de:

• Universidade de Santiago de Compostela (USC)
• Universidade de Vigo (UVIGO)
• Universidad Autónoma de Madrid (UAM)
• Instituto de Investigaciones Marinas-Centro Superior de Investigaciones Científicas (CSIC-IIM)
• Misión Biológica de Galicia-Centro Superior de Investigaciones Científicas (CSIC-MBG)
• Instituto de Investigaciones Agrobiológicas de Galicia-Centro Superior de Investigaciones Científicas (CSIC-IIAG)
• Instituto Español de Oceanografía (IEO)
• Estación Fitopatolóxica Areeiro (EFA)
• Centro de Formación y Experimentación Agroforestal de Lourizán
• Instituto de Investigación Sanitaria de Santiago de Compostela (IDIS)
• Fundación Pública Galega de Medicina Xenómica (FPGMX)
• The University of Edinburgh | UoE · Roslin Institute