Máster Universitario en Psicoxerontoloxía

Condicións de terminación:

Obrigatorias: 24
Optativas: 15
Prácticas externas OB 13
Traballo fin de máster: 8
Total: 60

Non se contemplan

Este máster interuniversitario está organizado polas universidades de Barcelona, Salamanca, Santiago de Compostela e Valencia e o seu obxectivo é a formación especializada en Psicoloxía do avellentamento para poder desenvolver un traballo cualificado nos diferentes contextos e dispositivos de atención a persoas maiores.

• Perfil de ingreso

  Non se contempla

• Número mínimo de créditos ECTS de matrícula por estudante e período lectivo

  Condicións de terminación:

  Obrigatorias: 24
  Optativas: 15
  Prácticas externas OB 13
  Traballo fin de máster: 8
  Total: 60

• Acción titorial e acollida

  Este plan será coordinado e supervisado en cada universidade pola correspondente Comisión Académica, e consistirá en:

  1) Programa de titoría individualizada polo cal se asignará un/a titor/a académico/a entre o profesorado do máster a cada alumno/a, que o orientará, desde o inicio até o final dos seus estudos, en todo o relativo ao seu currículo formativo, adquisición de competencias e resultados de aprendizaxe e continuación de estudos de doutoramento. Os/as titores/as académicos titorizarán tamén os traballos fin de máster.

  2) Calendario de titorías individualizadas cun mínimo de tres sesións presenciais obrigatorias distribuídas ao longo do curso.

  3) Reunión sobre as prácticas externas e traballo fin de máster (TFM):

  - Presentación dos centros psicoxerontolóxicos ofrecidos para as prácticas externas.
  - Orientación sobre o TFM, organización e desenvolvemento do traballo, calendario de actuacións e presentacións públicas.

  4) Orientación sobre o TFM

  As orientacións específicas sobre planificación e seguimiento dos TFM corresponderán aos/as titores/as académicos.

  5) Ademais, os/as estudantes contarán cos servizos xerais de apoio e asesoramento ao estudante en cada universidade.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  Modalidade: criterios xerais

  Titulacións de acceso:

  Licenciatura ou Grao en Psicoloxía.

  Información actualizada en cada convocatoria de matrícula

Modalidade: criterios xerais

Titulacións de acceso:

Licenciatura ou Grao en Psicoloxía.

Información actualizada en cada convocatoria de matrícula

• Competencias xerais

  1º- Coñecer en profundidade os distintos modelos de avaliación, diagnóstico, intervención e tratamento no campo da psicoxerontoloxía, así como as técnicas e procedementos que deles se derivan.
  2º- Planificar, desenvolver e supervisar o proceso de avaliación psicoxerontolóxica nos diferentes contextos e ámbitos de actuación.
  3º- Deseñar, desenvolver, supervisar e avaliar plans e programas de intervención e tratamento psicoxerontolóxico en función da avaliación previa e das variábeis individuais, sociais e institucionais.
  4º- Mostrar habilidades de comunicación interpersoal e de manexo das emocións adecuadas para unha interacción efectiva coas persoas maiores, familiares, coidadores e demais profesionais implicados na atención xerontolóxica.
  5º- Coñecer a nivel avanzado o proceso de envellecemento normal e patolóxico desde o punto de vista psicobiolóxico, cognitivo, persoal e social.
  6º- Saber aplicar os coñecementos adquiridos e a capacidade de resolución de problemas a ámbitos novos ou pouco coñecidos dentro dos contextos interdisciplinares relacionados coa psicoxerontoloxía.
  7º- Saber identificar as implicaciones éticas da súa actuación profesional e axustarse ás obrigas deontolóxicas da psicoloxía e demais profesións afíns, mostrando un compromiso ético e profesional en relación coas responsabilidades cívicas, sociais e globais.
  8º- Saber identificar e formular problemas de investigación no contexto do seu exercicio profesional, e contribuír á sua abordaxe de acordo cos métodos, técnicas e procedementos de investigación propios das ciencias da saúde, sociais e do comportamento.

• Competencias específicas

  - Ser capaz de planificar e desenvolver unha avaliación utilizando os instrumentos e técnicas máis convenientes.
  - Ser capaz de interpretar os resultados dunha avaliación e de facer un diagnóstico sobre as persoas e/ou situacións avaliadas.
  - Saber elaborar informes e comunicar os resultados das avaliacións con diferentes propósitos e para diferentes destinatarios.
  - Saber planificar e desenvolver programas de intervención seleccionando os obxectivos, os procedementos e os instrumentos máis apropiados en función das características do problema e do contexto.
  - Saber deseñar e desenvolver programas específicos relacionados coas trastornos psicolóxicos e os problemas sociais máis frecuentes en persoas maiores.
  - Saber asesorar e intervir no ámbito familiar das persoas maiores tanto sas como doentes
  - Saber deseñar e planificar programas de intervención ambiental e social que axuden a mellorar a calidade de vida das persoas maiores
  - Coñecer os recursos e a organización do sistema de atención sociosanitaria ás persoas maiores.
  - Saber adecuar as actuacións ao marco legal e administrativo correspondente e promover os cambios que se consideren nesarios para mellorar a atención ás persoas maiores.
  - Saber identificar e formular problemas de investigación e participar no deseño e desenvolvemento de proxectos de investigación en psicoxerontoloxía.
  - Coñecer, aplicar e interpretar análise de datos aplicados ao estudo do envellecemento.
  - Saber aplicar as teorías sobre o envellecemento na conceptualización dos casos e situacións concretas.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

Para realizar as prácticas externas será requisito superar a totalidade de créditos obrigatorios. A planificación temporal garante que o/a estudante poderá cursar a totalidade dos créditos obrigatorios.

Trátase de que o alumno aplique os coñecementos adquiridos nas materias obrigatorias e optativas como profesional psicólogo nos distintos centros en que se realicen as prácticas, demostrando que se adquiriron coñecementos, actitudes e habilidades para enfrontarse con eficiencia e profesionalidade ás tarefas de avaliación e intervención psicolóxica con persoas maiores sas e enfermas nos contextos familiares e institucionais.

Todas as Universidades asinaron convenios con entidades de atención a persoas maiores para a realización de prácticas externas, as cales contan no seu persoal con polo menos un psicólogo/a que poderá exercer as funcións de titor/a externo.

Os estudantes consensuarán co titor/a o tópico ou tema que vai tratar no seu traballo de fin de máster dentro do seu ámbito disciplinar e temático.

Para iniciar a elaboración do traballo recoméndase ter superado as materias obrigatorias do máster. Segundo a RD do 11 de decembro de 2009, para presentar o traballo será requisito superar todas as demais materias do Máster.

O traballo de fin de máster é un traballo orixinal, autónomo e individual de cada estudante. Realizarase baixo a supervisión dun director ou dunha directora que orientará e asistirá ao estudante. O estudante acordará co seu director ou directora a secuenciación e temporización de tarefas que vai realizar, e culminará cunha defensa oral do traballo perante unha comisión designada pola Comisión Académica de entre o profesorado do máster.

O cadro docente do máster está formado por un amplo elenco de profesores das universidades participantes, todos eles con unha relevante traxectoria profesional, docente e investigadora.