Máster Universitario en Neurociencia

Créditos que deberá cursar o alumno para obter a titulación:
Obrigatorios 20
Optativos 21
Traballo Fin de Máster 19
Total 60

O máster ten as seguintes especialidades:
 Especialidade en Neurociencia Cognitiva
 Especialidade en Neurobioloxia Celular e Molecular.
Para que unha especialidade conste no título, o estudante debe cursar cando menos 5 materias dentro da especialidade.

O título de máster de neurociencia ten como obxectivo ofrecer un programa orientado á formación avanzada de investigadores no ámbito da neurociencia, que sexa capaz de dar resposta aos retos que expón o Espazo Europeo de Educación Superior no ámbito do posgrao. Proporciona as bases teóricas e experimentais necesarias para a realización da Tese Doutoral no ámbito da Neurociencia

• Perfil de ingreso

  Non se contempla

• Número mínimo de créditos ECTS de matrícula por estudante e período lectivo

  Créditos que deberá cursar o alumno para obter a titulación:
  Obrigatorios 20
  Optativos 21
  Traballo Fin de Máster 19
  Total 60

• Acción titorial e acollida

  Os estudantes teñen titorias obrigatorias en todas as materias e titores para o Traballo Fin de Master, como se explica nas guías docentes correspondentes.
  O desenvolvemento das materias se complementa con titorías individualizadas (presenciais e online) nas que os membros do equipo docente orientan e supervisan o traballo dos alumnos.
  As titorías individualizadas están destinadas ao desenvolvemento de actividades presenciais de orientación, dinamización e seguimento do traballo dos/as estudantes: orientación para a realización de informes,
  preparación de exposicións, procura e selección de material bibliográfico, e guía na resolución de problemas.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  Modalidade: matrícula directa

  Titulacións de acceso

  1.- Titulacións preferentes
  a. Titulados en Bioloxía, Farmacia, Medicina, Psicoloxía e Veterinaria.
  b. Titulados en Odontoloxía, Enfermaría, Fisioterapia, Logopedia, Podoloxía e Terapia Ocupacional.
  c. Titulados en Biotecnoloxía, Física, Química, Matemáticas, Ciencias do Mar, Técnicas Estatísticas, Estatística, Nutrición Humana e Dietética, Óptica e Optometría.
  2.- Titulacións non preferentes
  Outras titulacións.

  Consultar a información actualizada en cada convocatoria anual de matrícula.

Modalidade: matrícula directa

Titulacións de acceso

1.- Titulacións preferentes
a. Titulados en Bioloxía, Farmacia, Medicina, Psicoloxía e Veterinaria.
b. Titulados en Odontoloxía, Enfermaría, Fisioterapia, Logopedia, Podoloxía e Terapia Ocupacional.
c. Titulados en Biotecnoloxía, Física, Química, Matemáticas, Ciencias do Mar, Técnicas Estatísticas, Estatística, Nutrición Humana e Dietética, Óptica e Optometría.
2.- Titulacións non preferentes
Outras titulacións.

Consultar a información actualizada en cada convocatoria anual de matrícula.

• Competencias xerais

  Garantirase que todos os estudantes:

  1.- Coñezan os fundamentos da neurociencia e as materias da mesma obxecto do seu interese.
  2.- Coñezan e saiban utilizar as técnicas experimentais dos campos da neurociencia obxecto do seu interese.
  3.- Posúan un grao de especialización, o que significa o coñecemento de problemas, teorías e técnicas específicas, en polo menos un campo da neurociencia.
  4.- Saiban ler e obter información relevante de publicacións científicas.
  5.- Saiban aplicar os coñecementos adquiridos e a súa capacidade de resolución de problemas en contornas novas ou pouco coñecidas dentro de contextos máis amplos. (ou multidisciplinares) relacionados coa neurociencia.
  6.- Sexan capaces de integrar coñecementos e enfrontarse á complexidade de formular xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuizos.
  7.- Saiban traballar en grupos de carácter multidisciplinar.
  8.- Posúan as habilidades de aprendizaxe que lles permitan continuar estudando dun modo que haberá de ser en gran medida autodirixido ou autónomo.

• Competencias específicas

  Competencias específicas: Neurobioloxía celular e molecular

  1.- Identificar e explicar a organización celular e funcional das principais estruturas do sistema nervioso central e periférico.
  2.- Describir o proceso de desenvolvemento do sistema nervioso.
  3.- Explicar o proceso de cambio adaptativo do sistema nervioso dentro do marco evolutivo.
  4.- Explicar o funcionamento das neuronas desde o nivel molecular ao celular.
  5.- Describir a relación entre as canles iónicas e o comportamento neuronal.
  6.- Explicar os mecanismos de interacción de fármacos e toxinas co sistema nervioso.
  7.- Explicar os principios de integración neuroendocrina como base para o control do comportamento.
  8.- Deseñar e realizar experimentos coas técnicas electrofisiolóxicas, anatómicas e de bioloxía molecular máis utilizadas no estudo do sistema nervioso.

  Competencias específicas: Neurociencia cognitiva (NC)

  1.- Comprender as bases biolóxicas da cognición e das emocións con especial énfase en procesos de atención, aprendizaxe, memoria e control executivo, tendo en conta os cambios que se producen coa idade.
  2.- Coñecer os principais métodos empregados pola neurociencia cognitiva actual, con especial acento nas técnicas psicofisiolóxicas, neuropsicolóxicas e de neuroimaxe.
  3.- Familiarizarse coas posibles aplicacións da neurociencia cognitiva tanto para o estudo dos procesos normais como dalgunhas patoloxías.
  4.- Integrar as bases conceptuais e metodolóxicas da psiquiatría na investigación básica e clínica das patoloxías psiquiátricas e das condutas adictivas.
  5.- Alcanzar competencia específica no manexo da técnica dos potenciais evocados no estudo dos procesos psíquicos.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Prácticas

No se contemplan

O Traballo de Fin de Máster (TFM) consta de 19 créditos e consistirá na realización dun traballo orixinal experimental de iniciación á investigación no ámbito da neurociencia, relacionado con calquera das liñas de investigación que se ofertan no máster. Este traballo inclúe actividades tanto presenciais (asistencia a sesións de titorización individual, realización do traballo de investigación, presentación e defensa pública dos proxectos expostos) como non presenciais (revisión bibliográfica actualizada e completa en referencia a un tema, deseño da investigación, tratamento estatístico dos datos, interpretación e discusión de resultados, elaboración de conclusións, ensaios para a defensa oral do traballo). Dependendo do carácter de cada traballo, as horas asignadas a cada tipo de actividade poden variar lixeiramente.
O/a estudante deberá realizar e presentar un traballo de investigación que debe constar das seguintes partes: Introdución, obxectivos, materiais e métodos, resultados, discusión, conclusións e bibliografía.
O contido pode ser calquera temática do ámbito da neurociencia ofertada nas liñas de investigación vinculadas a este Máster.

O equipo docente está composto por profesorado altamente cualificado das tres universidades galegas.