Grao en Física

• Perfil de ingreso

  Dado que non se esixe ningunha formación previa específica, os alumnos poden ser admitidos na titulación de Grao de Física se reúnen os requisitos de acceso que estabelece a lei. Para o ingreso no Grao en Física recoméndase que a formación do alumno sexa de perfil científico-tecnolóxico. Dentro dese perfil, ademais de en física, resulta recomendábel ter formación en matemáticas e/ou bioloxía, química e debuxo técnico.

  Ademais, sería desexábel que o futuro estudante do Grao de Física posúa as seguintes características persoais e académicas:

  - Razoamento abstracto
  - Gusto pola observación e modelización da natureza
  - Capacidade de síntese
  - Interese pola resolución de problemas
  - Curiosidade científica
  - Constancia e responsabilidade no traballo
  - Competencia en expresión oral e escrita
  - Competencia lingüística en inglés, ademais de en galego e en castelán.
  - Capacidade de traballo en equipo

• Número mínimo de créditos ECTS de matrícula por estudante e período lectivo

  1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
  2.- Continuación de estudos : libre cun máximo de 75 créditos.

• Acción titorial e acollida

  A Universidade de Santiago conta cun servizo de participación e integración universitaria (SEPIU) (http://www.usc.es/gl/servizos/sepiu) que traballa na integración de persoas con discapacidade e presta apoio para o desenvolvemento das adaptacións curriculares, así como un protocolo para a integración na comunidade universitaria.
  O Programa A Ponte, ten deseñado un plan de acollida en cada centro baseado nos seguintes puntos:

  Unha sesión informativa especial a cargo do equipo decanal, o primeiro día do curso, na que se explican os detalles do funcionamento da Facultade. A esta sesión asistirá un representante do equipo reitoral que informará aos novos alumnos do funcionamento da Universidade en xeral e sobre todo dos seus dereitos e deberes. Esta sesión acaba coa asignación a cada grupo de dez alumnos, dun alumno-titor que seguirá con eles durante toda a tarde e poraos ao corrente da vida académico-universitaria.

  Sistema de titorías personalizadas. No segundo cuadrimestre de cada curso prepárase un grupo de alumnos de terceiro ano para seren alumnos-titores dos alumnos novo no curso seguinte. O Curso de Titores, impartido por persoal cualificado, ponos ao corrente en todo o relacionado coa USC e coa forma de canalizar os novos estudantes. Como se dixo anteriormente, a súa autorización comeza o primeiro día do curso entrante e segue durante todo o curso académico.

  Guía de centro. Cada ano entregarase a todos os estudantes da Facultade unha Guía do Curso, na que se incluirá información pormenorizada sobre a Facultade, Plan de Estudos do Grao de Física, Normativa Académica, Organización Docente do curso e Programas Docentes detallados de todas as materias

  A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

  Información programa alumnos titores:

  Programa alumnos titores

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Criterios de acceso e admisión

  Poden acceder a estudos de Grao aqueles estudantes que posúan os títulos, diplomas ou estudos seguintes ou otros declarados equivalentes ou homologados a estes:
  A.1. Bacharelato do Sistema Educativo Español, Bacharelato Europeo o Bacharelato Internacional.
  A.2. Bacharelato procedente de sistemas educativos de Estados membros da Unión Europea ou de otros Estados cos que se teñan subscrito acordos internacionais.
  A.3. Técnico Superior de Formación Profesional, Técnico Superior de Artes Plásticas e Diseño ou Técnico Deportivo Superior pertencente ao Sistema Educativo Español.
  A.4. Outros estudos que, nun Estado membro da Unión Europea ou noutros Estados cos que se teñan subscrito acordos internacionais en réxime de reciprocidade, acrediten os requisitos académicos esixidos en ditos Estados para acceder aos seus estudos universitarios.
  A.5. Títulos universitarios oficiais de Diplomado, Arquitecto Técnico, Enxeñeiro Técnico, Licenciado, Arquitecto, Enxeñeiro, Graduado ou Máster Universitario.
  A.6. Estudos universitarios parciais, estranxeiros ou españois.
  Tamén poderán acceder a estudios de Grao:
  B.1. Persoas maiores de vintecinco anos que superen unha proba de acceso específica.
  B.2. Persoas maiores de corenta anos con experiencia laboral ou profesional en relación cunha ensinanza universitaria.
  B.3. Persoas maiores de corenta e cinco anos que superen unha proba de acceso específica.
  Do mesmo xeito, poderán acceder a estudos de Grao:
  C.1. Persoas que estiveran en condicións de acceder á universidade segundo ordenacións do Sistema Educativo Español anteriores á Lei Orgánica 8/2013, de 9 de decembro.

A Facultade de Física conta con 11 aulas de docencia de distinta capacidade, dotadas dos medios didácticos e audiovisuais necesarios para implantar as metodoloxías do Espazo Europeo de Educación Superior. Así mesmo, dispón de dúas aulas de informática para docencia, con 25 e 15 postos, respectivamente.

Tamén dispón dunha Sala de Xuntas, con capacidade para 32 prazas e dunha Aula Magna, con capacidade para 100 persoas.

Para a formación práctica, conta con varios laboratorios docentes convenientemente equipados e en permanente actualización: Física Xeral, Física Cuántica, Mecánica e Ondas, Termodinámica, Óptica, Electrónica, Estado Sólido , Física Nuclear e Electromagnetismo.

Existen tamén espazos habilitados para o alumnado, con mesas de traballo, postos de carga e conexión a rede de datos e sen fíos.. O centro dispón dunha Biblioteca Intercentros, compartida coa facultade de Óptica e Optometría, que concentra os fondos específicos desta titulación e que conta con máis de 144 postos de lectura. A biblioteca está situada na planta baixa da facultade de Física. Tamén hai que destacar que desde calquera punto da facultade é posible a conexión sen fíos a Internet

1. Formar graduados capaces de observar, catalogar e modelizar os fenómenos da natureza a través dos seus coñecementos sobre as distintas ramas da Física, posibilitando o seu acceso ao mercado laboral en postos de nivel de responsabilidade medio-alto ou ben continuar estudos, cun alto grao de autonomía, en disciplinas científicas ou tecnolóxicas.
2. Desenvolver nos estudantes unha clara percepción de situacións aparentemente diferentes pero que mostran evidentes analoxías físicas, o que permite a aplicación de solucións probadas a novos problemas.
3. Potenciar nos estudantes a capacidade de identificar os elementos esenciais dun proceso ou unha situación completa que lle permita construír un modelo simplificado que describa, coa aproximación necesaria, o obxecto de estudo e posibilite realizar predicións sobre a súa evolución futura. Así mesmo, debe ser capaz de comprobar a validez do modelo introducindo as modificacións necesarias cando se observen discrepancias entre as predicións e as observacións.
4. Familiarizar ao alumno co traballo no laboratorio, a instrumentación e os métodos experimentais máis usados.
5. Transmitir a relevancia da Física no panorama da Ciencia actual así como o importante papel que esta xoga no desenvolvemento tecnolóxico da nosa sociedade. Inculcar ao alumno unha visión da Física como parte integrante da Educación e a Cultura que lle permita recoñecer a súa presenza na Natureza a través da Ciencia, a Tecnoloxía e a Arte.
6. Transmitir aos estudantes o respecto polos dereitos fundamentais e de igualdade entre homes e mulleres, o respecto e a promoción dos Dereitos Humanos así como os principios de igualdade de oportunidades, non discriminación e accesibilidade universal das persoas con discapacidade

• Competencias básicas

  Que os estudantes demostrasen posuír e comprender coñecementos nunha área de estudo que parte da base da educación secundaria xeral e normalmente seencontra a un nivel que, ben que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo;

  Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que normalmente sedemostran por medio da elaboración e defensa de argumentos e a resolución de problemas dentro da súa área de estudo;

  Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitiren xuízos que inclúan unha reflexión sobre temas relevantes de índole social, científica ou ética;

  Que os estudantes poidan transmitir información, ideas, problemas e solucións a un público tanto especializado como non especializado;

  Que os estudantes desenvolvesen aquelas habilidades de aprendizaxe necesarias para emprender estudos posteriores cun alto grao de autonomía.

• Competencias xerais

  1. Que os graduados e graduadas posúan e comprendan os conceptos, métodos e resultados máis importantes das distintas ramas da Física, con perspectiva histórica do seu desenvolvemento.
  2. Que sexan capaces de reunir e interpretar datos, información e resultados relevantes, obter conclusións e emitir informes razoados en problemas científicos, tecnolóxicos ou doutros ámbitos que requiran o uso de coñecementos da Física.
  3. Que poidan aplicar tanto os coñecementos teóricos-prácticos adquiridos como a capacidade de análise e de abstracción na definición e formulación de problemas e na procura das súas solucións tanto en contextos académicos como profesionais.
  4. Que teñan capacidade de comunicar, tanto por escrito como de forma oral, coñecementos, procedementos, resultados e ideas en Física tanto a un público especializado como non especializado.
  5. Que sexan capaces de estudar e aprender de forma autónoma, con organización de tempo e recursos novos coñecementos e técnicas en calquera disciplina científica ou tecnolóxica

• Competencias específicas

  a) Ser capaz de realizar o esencial dun proceso ou situación e de establecer un modelo de traballo, así como realizar as aproximacións requiridas co obxecto de reducir o problema ata un nivel manexable. Demostrará posuír pensamento crítico para construír modelos físicos: Destrezas de modelado e de resolución de problemas.
  b) Ser capaz de comparar novos datos experimentais con modelos dispoñibles para revisar a súa validez e suxerir cambios que melloren a concordancia dos modelos cos datos: Destrezas de modelado.
  c) Ser capaz de interpretar cálculos de forma independente. Ademais, o graduado debería ser capaz de desenvolver programas de software: Destrezas de resolución de problemas e destrezas informáticas.
  d) Ser capaz de manexar claramente as ordes de magnitude e realizar estimacións adecuadas co fin de desenvolver unha clara percepción de situacións que, aínda que fisicamente diferentes, mostren algunha analoxía, permitindo o uso de solucións coñecidas a novos problemas: Destrezas para a resolución de problemas.
  e) Ser capaz de manexar, buscar e utilizar bibliografía, así como calquera fonte de información relevante e aplicala a traballos de investigación e desenvolvemento técnico de proxectos: Procura de bibliografía e outras destrezas.
  f) Ter unha boa comprensión das teorías físicas máis importantes, localizando na súa estrutura lóxica e matemática, o seu soporte experimental e o fenómeno físico que pode ser descrito a través deles: Comprensión teórica de fenómenos físicos.
  g) Familiarizarse coas áreas máis importantes da Física, non só a través da súa significancia intrínseca senón tamén pola relevancia esperada no futuro para a física e as súas aplicacións: Coñecemento xeral en Física
  h) Terse familiarizado cos modelos experimentais máis importantes, ademais ser capaces de realizar experimentos de forma independente, así como describir, analizar e avaliar críticamente os datos experimentais: Destrezas experimentais e de laboratorio.
  i) Comprender e dominar o uso dos métodos matemáticos e numéricos máis comunmente utilizados: Destrezas en matemáticas e na resolución de problemas.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

Segundo o Art. 12.6 do R.D. 1393/2007, os estudantes poderán obter recoñecemento académico dun máximo de 6 créditos optativos por realización de prácticas externas relacionadas co título.

Os alumnos poderán inscribirse para a realización do Traballo de Fin de Grao unha vez superados o 75% dos créditos obrigatorios. No momento da presentación do traballo o alumno deberá superar todos os demais créditos necesarios para o título de grao, isto é, polo menos 234 ECTS. Para non atrasar a gradación dos estudantes que reúnan os requisitos, a Facultade ofertará traballos de Fin de Grao para a súa realización en ambos os cuadrimestres.