Biotecnoloxía ambiental

Nesta materia abórdanse de forma global e integrada un conxunto de contidos que achegan ao Graduado en Biotecnoloxía a perspectiva ambiental da biotecnoloxía. En concreto, perséguense os seguintes obxectivos:
- Identificar sistemas aeróbicos de tratamento de augas residuais.
- Aplicar os coñecementos sobre procesos biolóxicos anaerobios aos balances e ao deseño de reactores metanoxénicos.
- Identificar os procesos biolóxicos de tratamento de residuos sólidos.
- Enumerar as diferentes posibilidades de biorrecuperación de solos contaminados.
- Saber propoñer solucións a diferentes problemas ambientais.

O programa da materia estrutúrase en 3 grandes bloques, cada un deles dividido nunha serie de temas.

BLOQUE I. Biotecnoloxía ambiental (3 h)

Tema 1 (2 h (E) + 1 h (S)). Introdución á Biotecnoloxía Ambiental. Problemas ambientais globais. Microorganismos e medio ambiente. Aplicacións da Biotecnoloxía Ambiental. Xestión e tratamento de augas residuais. Xestión e tratamento de residuos sólidos e solos contaminados. Xestión e tratamento de correntes gaseosas. Contaminantes emerxentes. Biocombustibles.

BLOQUE II. Caracterización e tratamento de augas residuais (16 h)

Tema 2. Introdución ó tratamento das augas residuais (3 h (E) + 2 h (S)). Caracterización de augas residuais: parámetros físicos, químicos e biolóxicos. Caracterización de caudais e cargas contaminantes. Lexislación aplicable. Métodos de tratamento de augas residuais.

Tema 3. Fundamentos dos procesos de tratamento biolóxicos de augas residuais (5 h (E) + 4 h (S) + 2 h (L)). Eliminación de materia orgánica, nitróxeno e fósforo. Introdución e deseño do proceso de lamas activas. Introdución e deseño de reactores metanoxénicos. Tecnoloxías emerxentes.

Seminarios. Resolución de problemas sobre caracterización e tratamento de augas residuais.

Laboratorio: Visita a unha instalación industrial de tratamento de augas residuais.

BLOQUE III. Caracterización e tratamento de residuos sólidos (18 h)

Tema 4. Introdución ó tratamento de residuos sólidos (3 h (E) + 2 h (S)). Definicións. Clasificación de residuos. Caracterización de residuos: propiedades físicas, químicas, térmicas e biolóxicas. Lexislación europea e estatal. Plans de xestión de residuos.

Tema 5. Tratameento biolóxico de residuos sólidos (4 h (E) + 4 h (S)). Conceptos xerais. Compostaxe. Dixestión anaerobia. Outras alternativas de xestión de residuos sólidos.

Tema 6. Biorrecuperación de solos contaminados (3 h (E) + 2 h (S)). Conceptos xerais. Técnicas de biorrecuperación: in situ, on site e off site. Outras técnicas de recuperación. Biomonitorización.

Seminarios. Resolución de problemas sobre caracterización e tratamento de residuos sólidos e recuperación de solos contaminados.

TITORÍA EN GRUPO (1 h)
Adicarase á presentación dos traballos en grupo obrigatorios.

EXAME (3,5 h)
Realizarase un exame final complementario á avaliación continua que constará dunha parte teórica (cuestións curtas) e unha parte práctica (problemas).

Bibliografía básica
RITTMANN, B.E. y MCCARTY, P.L. Environmental Biotechnology: Principles and Applications, 2nd edition. McGraw-Hill Education, 2020. Recurso electrónico. ISBN: 9781260441604.

CASTILLO, F. Biotecnología Ambiental. Editorial Tébar Flores, 2005. ISBN: 978-8473602112.

Bibliografía complementaria

EVANS, G.E. y FURLONG, J. EnvirJohn Wiley and Sons, 2011. Oxford : Wiley-Blackwell, Oxford, 2010. Recurso electrónico. ISBN: 9780470975152.

KIELY, G. Environmental Engineering. Boston: Mc-Graw Hill Higher Education, 1998. ISBN: 0077091272.

• Tratamento de augas
Metcalf & Eddy Inc. Wastewater Engineering. Treatment and resource recovery. 5ª Edición. New York: Mc-Graw Hill, 2014. ISBN: 9781259010798.

• Tratamento de residuos
Tchobanoglous, G. Gestión Integral de Residuos Sólidos. Madrid: Editorial Mc-Graw-Hill., 1998. ISBN: 8448118308.

• Solos contaminados
Ortiz, I., Sanz, J., Dorado, M. & Villar, S. Técnicas de recuperación de suelos contaminados. Colección coordinada por la Fundación para el conocimiento Madrid, Universidad de Alcalá, 2007. Disponible en internet en:
https://www.madrimasd.org/sites/default/files/informacionidi/biblioteca…

Coñecementos/contidos: Con01, Con03

Habilidades/destrezas: H/D01, H/D02, H/D03, H/D06, H/D10, H/D11

Competencias: Comp01, Comp02, Comp03, Comp05, Comp08

Nas clases expositivas empregarase unha docencia tipo maxistral para desenvolver boa parte do temario. (Con01, Con03, H/D01, H/D11)

Os seminarios centraranse na resolución de cuestións, problemas e casos prácticos (aprendizaxe baseado en problemas), unhas veces de forma individual e outras en grupo (aprendizaxe colaborativa), coa fin de complementar os contidos vistos nas clases expositivas. O alumnado entregará algunhas tarefas desenvolvidas durante as clases de seminario para a súa avaliación. A asistencia a esta actividade é obrigatoria. (Con01, Con03, H/D01, H/D03, H/D05, H/D06, H/D10, H/D11, Comp01, Comp02, Comp03, Comp05, Comp08)

Procurarase e fomentarase a participación activa do alumnado, tanto nas horas expositivas como nos seminarios.

As horas de laboratorio usaranse para realizar unha visita técnica a unha instalación industrial de tratamento de augas residuais e proporase ao alumnado a elaboración dun informe que contemple especialmente a aplicación dos conceptos tratados na materia. A asistencia a esta actividade é obrigatoria. (Con01, Con03, H/D01, H/D10, H/D11, Comp03, Comp08)

Durante a primeira semana do curso indicarase a obrigatoriedade da realización dun traballo en equipo, que se presentará durante a titoría grupal. Para o seguimento do progreso do traballo, utilizaranse titorías individuais. (Con01, Con03, HD01, H/D02, H/D03, H/D05, H/D10, H/D11, Comp01, Comp02, Comp03, Comp05, Comp08)

A Aula Virtual da USC empregarase cos seguintes obxectivos:
• Facilitar información sobre a materia (guía docente, horarios, exames, convocatorias, etc.).
• Facilitar o material didáctico para as clases (diapositivas dos temas, casos prácticos, material complementario, etc.).
• Servir como medio de comunicación entre o alumnado e o profesorado.
• Entrega de tarefas.

A ferramenta MS Teams tamén se utilizará como medio de comunicación non presencial entre estudantes e profesoras.

Exame final. Realizarase un exame final complementario á avaliación continua que terá un peso do 60%, sendo necesario acadar polo menos 4 puntos sobre 10 para poder compensar no conxunto da materia. O exame terá unha parte teórica (preguntas curtas) cun peso do 40%, e unha parte práctica cun peso do 60%. En ambas as partes por separado, acadarase como mínimo un 3,5 sobre 10 para compensar.

Actividades. As actividades propostas, incluído o informe da visita técnica, terán un peso do 15% na nota final.

Titorías en grupo. A realización do traballo en equipo xunto coa súa exposición terá un peso do 15% na nota final. Esta actividade é obrigatoria.

Informe do profesorado: 10%. Valorarase a participación activa (formulación de preguntas ou respostas) nas clases expositivas e interactivas.

Para a avaliación da segunda oportunidade manteranse todas as cualificacións das actividades avaliadas durante o curso, agás o exame final; de tal xeito que o alumnado só terá que realizar un novo exame final.

O alumnado repetidor poderá solicitar manter as notas correspondentes ó traballo en grupo e ó informe da visita técnica, debendo realizar novamente as actividades propostas e o exame final.

Considerarase NON PRESENTADO o alumnado que non realice ningunha das actividades avaliables obrigatorias.

Para os casos de realización fraudulenta de exercicios ou probas será de aplicación o disposto na “Normativa de avaliación do rendemento académico do alumnado e revisión de cualificacións”.

Os resultados da aprendizaxe avaliados en cada ítem indícanse a continuación:
-Exame final: Con01, Con03, H/D01, H/D11, Comp01, Comp03, Comp05
-Actividades: Con01, Con03, H/D01, H/D05, H/D06, H/D10, H/D11, Comp01, Comp02, Comp05, Comp08
-Titoría en grupo: Con01, Con03, H/D01, H/D02, H/D03, H/D05, H/D10, H/D11, Comp02, Comp05, Comp08
-Informe do profesor: Con01, Con03, H/D01, H/D02, H/D11, Comp01, Comp02, Comp03, Comp05

A materia ten unha carga de traballo de 4,5 ECTS, que se reparte da seguinte forma:

Actividade ..........................................Horas………..... Presencialidade (%)
Clases expositivas ...............................20.......................100
Seminarios..........................................15.......................100
Laboratorio........................................2,0........................100
Titorías en grupo................................1,0.......................100
Exame e revisión.................................4,0........................100
Traballo persoal……………………………………70,5………………………….0
Total.................................................112,5

-Recoméndase a asistencia e participación a clase.
-Recoméndase o uso da aplicación Campus Virtual da USC para a materia e a utilización de titorías para resolver as dúbidas que poidan xurdir.
-É recomendable que o alumnado teña un certo dominio do inglés para a consulta de bibliografía.

As clases impartiranse en castelán, aínda que tamén se utilizará material didáctico en inglés.