Grao en Xestión de Empresas Hostaleiras

• Perfil de ingreso

  Dada a natureza e orientación profesional do título, o perfil recomendábel das/os estudantes contempla candidatos/as con vocación de servizo aos demais, sociabilidade e habilidades interpersoais, interese no contacto con persoas de diferentes culturas, polo coñecemento de linguas e pola xestión e dinamización de grupos humanos. Igualmente é desexábel que se atope motivado/a polo mundo da gastronomía e a xestión hostaleira.

  O acceso realízase polas vías sinaladas no RD 412/2014, do 6 de xuño, polo cal se estabelece a normativa básica dos procedementos de acceso e admisión ás ensinanzas universitarias oficiais de grao (art. 3). En calquera caso, o alumnado que proceda de estudos que inclúan formación en idiomas, especialmente inglés, no cal se recomenda un nivel mínimo de B1, coñecementos do ámbito empresarial ou da hostalaría, terán un perfil idóneo.

• Número mínimo de créditos ECTS de matrícula por estudante e período lectivo

  1.- O alumnado de primeiro curso por primeira vez a tempo completo ten que matricular 60 créditos.
  Un 15% do alumnado poderá cursar estudos a tempo parcial (30 créditos).
  2.- Continuación de estudos : libre cun máximo de 75 créditos.

• Acción titorial e acollida

  Ao comezo de cada curso académico,lévase a cabo unha xornada de presentación do curso onde se informa dos aspectos relevantes para o estudante de cara a garantir unha correcta integración desde o primeiro día. Así mesmo, o alumnado en xeral é informado dos diferentes recursos que o CSHG pon ao seu alcance como instrumentos de apoio académico e administrativo; aos alumnos/as de 1º curso élles presentado adicionalmente o departamento de Coordinación Académica.

  Con anterioridade e durante o primeiro día de curso, disporán de acceso a diversa información de acollida (específicamente alumnado de 1º curso): información xeral, calendarios escolares, horarios de clases, regulamento interno, regulamento de residencia, regulamento de practicum (stage), distribución e horarios de instalacións, estrutura de departamentos, información sobre Santiago, programas e guías docentes, material didáctico inicial, etc.

  O CSHG conta co departamento de Coordinación Académica, cuxa función é planificar, organizar, supervisar e controlar toda a actividade docente. O devandito departamento conta cunha Secretaría de Alumnos e un Servizo de Orientación Pedagógica, a disposición do alumnado, que oferece apoio pedagóxico para a orientación e seguimiento do estudante nas diferentes traxectorias académicas.

  Desde o inicio de curso e de xeito continuo, o Departamento de Coordinación Académica fai un seguimiento dos alumnos/as con especial atención á integración e adaptación de estudantes estranxeiros ou con necesidades específicas. Cada curso conta cun titor/a de curso e existe un sistema tutorial docente por parte do profesorado ao longo do ano académico, tanto a nivel individual como grupal.

  O CSHG conta así mesmo cun departamento de Stages (practicum ou prácticas externas) que asesora os alumnos/as na organización das súas prácticas en empresa e posíbel orientación profesional futura, apoiado por diferentes titores de prácticas e pola Asociación de Antigos Alumnos, que tamén participa neste labor e está moi vinculada ao sector empresarial.

  Por outro lado, a USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

  Información programa alumnos titores:

  Programa alumnos titores

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Criterios de acceso e admisión

  Acceso:

  Os xerais para as titulacións de grao.

  Admisión:

  Non se contemplan condicións nin probas de acceso especiais

Adicionalmente aos medios e servizos que a USC pon á disposición da comunidade educativa, o CSHG dispón dun campus propio de 50.000 metros cadrados que comprende 5 edificios. A capacidade especificada en cada apartado refírese a cada aula ou espazo “tipo”, sendo a capacidade total a que achegan o total de espazos detallados.

    Edificio de AULAS de TEORÍA-XESTIÓN

•    Aulas de xestión (docencia teórico-práctica)
•    14 aulas de clase: capacidade 30 persoas
•    1 aula de conferencias: capacidade 70 persoas
•    2 aulas seminario: capacidade 15 persoas
•    Aulas de informática (2 aulas): capacidade 30 postos
•    Laboratorios de idiomas (2 aulas dixitais): capacidade 28 postos
•    Aula cafetería:  19 metros de barra e 32 prazas
•    Biblioteca: 44 postos
•    Salas multiuso (3 salas de traballo-alumno): dúas salas para 15 persoas e outra para 20 persoas

    Edificio de AULAS TÉCNICAS, FORMACIÓN CONTINUA E CONSULTORÍA

•    Aula de cata: capacidade 28 persoas
•    Aula de Cociña de Demostración: capacidade 30 postos (anfiteatro)
•    Aula de Xestión: capacidade 32 persoas

    Edificio de AULAS PRÁCTICAS- RESTAURANTES

•    Aula restaurante carta: 102 m2 y 38 prazas
•    Aula restaurante buffet: 600 m2 y 220 prazas
•    Aula recepción de mercancías e economato
•    Aula cocina buffetier
•    Aula cocina carta
•    Aula cocina quente
•    Aula pastelería
(Todas elas completamente equipadas)
•    Almacéns e cámaras do edificio

    Edificios de AULAS PRÁCTICAS- ALOXAMENTO

•    Aula de prácticas de recepción: capacidade 12 postos
•    Aula de lavandería: completamente equipada, 14 postos
•    Habitacións hotel demostración
•    Residencia de alumnos/as: capacidade 180 persoas

    INSTALACIÓNS DEPORTIVAS

•    Ximnasio e polideportivo cuberto
•    Sala de fitness
•    Pistas de tenis exteriores
•    Pista polideportiva exterior

No edificio de Teoría-Xestión, todas as aulas están equipadas con medios audiovisuais: lousas veleda e electrónica, computador, videoproxector e altofalantes e cámaras de video web. As aulas de informática dispoñen de 60 postos con acceso a Internet e os laboratorios de idiomas, 56 postos. As aulas prácticas-restaurantes dispoñen de equipamento específico de servizo e cociña, renovado e distribuído en dúas plantas.

A biblioteca conserva un total de 7.000 volumes en castelán e inglés, vídeos e DVD, diverso material adicional de consulta (mapas, folletos, guías, …), 5.000 volumes en subscricións e publicacións periódicas (soporte papel e/ou dixital) e acceso on-line a outros recursos. Así mesmo, o alumnado do CSHG ten acceso á rede de bibliotecas da USC desde as propias instalacións da universidade (a través de credenciais do alumnado), beneficiándose dos servizos e recursos desta.

En todos os edificios do campus existe rede WIFI ao dispor do alumnado e do persoal, con acceso aos servizos de correo electrónico, xestor de calendarios e ao Campus Virtual do CSHG. A accesibilidade física ás aulas está garantida en todos os edificios, mediante ramplas e/ou ascensores. Existe unha zona de aparcamento para 185 vehículos.

O Grao en Xestión de Empresas Hostaleiras ten como obxectivo a formación de profesionais que sexan capaces de desempeñar tarefas de xestión e dirección nas organizacións empresariais hostaleiras, desenvolvendo habilidades de liderado, cunha clara orientación de servizo ao cliente e con alta capacidade de adaptación permanente e innovación. Estas tarefas pódense desenvolver no ámbito global da organización a nivel directivo ou en calquera das súas áreas funcionais e/ou departamentos: Alimentos e Bebidas, Aloxamento, Recursos Humanos, Comercialización, Administración e Finanzas... e tanto a nivel operacional como estratéxico.

Estes obxectivos terán un enfoque específico para cada unha de mencións (mención en Gastronomía e mención en Dirección Hoteleira) plasmado nos seus resultados de aprendizaxe, en virtude da orientación de cada unha, o subsector empresarial ao que están enfocadas e as áreas funcionais e de traballo do ámbito laboral correspondente (gastronómico ou hoteleiro).

• Competencias básicas

  - Que os estudantes demostren posuír e comprender coñecementos nunha área de estudo que parte da base da educación secundaria xeral, e adóitase atopar a un nivel que, aínda que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo

  - Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que adoitan demostrarse por medio da elaboración e defensa de argumentos e a resolución de problemas dentro da súa área de estudo

  - Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitiren xuízos que inclúan unha reflexión sobre temas relevantes de índole social, científica ou ética

  - Que os estudantes poidan transmitir información, ideas, problemas e solucións a un público tanto especializado como non especializado

  - Que os estudantes desenvolvan aquelas habilidades de aprendizaxe necesarias para emprender estudos posteriores cun alto grao de autonomía

• Competencias xerais

  - O Grao en Xestión de Empresas Hostaleiras (Dual) ten como obxectivo a formación de profesionais que sexan capaces de desempeñar tarefas de xestión e dirección nas organizacións empresariais hostaleiras, desenvolvendo habilidades de liderado, cunha clara orientación de servizo ao cliente, alta capacidade de adaptación permanente e innovación e orientación a resultados nas diferentes áreas do sector, favorecendo o desenvolvemento sustentábel e respeitando a diversidad e multiculturalidade: organizar e analizar información, identificar oportunidades, definir obxectivos e estratexias, planificar, deseñar e asignar recursos, dirixir e motivar persoas, resolver problemas e tomar decisións, acadar obxectivos e avaliar resultados.

• Competencias específicas

  - Comprender os principios do turismo e analizar a súa dimensión económica, así como o seu carácter dinámico e evolutivo.
  - Recoñecer as principais estruturas político-administrativas turísticas e os principais axentes turísticos, nos que se enmarca a actividade hostaleira.
  - Converter un problema empírico nun obxecto de investigación turística.
  - Ter unha marcada orientación de servizo ao cliente.
  - Analizar, sintetizar e resumir a información económico-patrimonial das organizacións hostaleiras.
  - Xestionar os recursos financeiros nas empresas do sector hostaleiro.
  - Definir obxectivos, estratexias e políticas de comercialización das empresas do sector hostaleiro.
  - Dirixir e xestionar os distintos tipos de organizacións hostaleiras (aloxativas e gastronómicas).
  - Manexar técnicas de comunicación.
  - Comprender o marco legal e fiscal que regula as actividades hostaleiras.
  - Comunicarse de forma oral e escrita en inglés ou nunha segunda lingua estranxeira.
  - Coñecer e aplicar o procedemento operativo do ámbito de aloxamento.
  - Coñecer e aplicar o procedemento operativo do ámbito de restauración e a gastronomía.
  - Analizar e utilizar as tecnoloxías da información e as comunicacións (TIC) no sector hostaleiro.
  - Planificar e xestionar os recursos humanos das organizacións do sector hostaleiro.
  - Comprender o funcionamento dos destinos, estruturas turísticas e os seus sectores empresariais no ámbito mundial.
  - Traballar en contornos socioculturais diferentes vinculados coa actividade hostaleira.
  - Detectar necesidades de planificación técnica de infraestruturas e instalacións hostaleiras (aloxativas e de restauración).
  - Comprender a importancia da sustentabilidade, tanto a nivel económico, social e ambiental, contribuíndo ao desenvolvemento sustentábel no ámbito gastronómico e hoteleiro.
  - Identificar, investigar e avaliar problemas, xerar novas ideas e conceptos de xeito creativo e aplicar solucións ao deseño e definición de propostas innovadoras no ámbito gastronómico e hoteleiro.

• Competencias transversais

  - Capacidade de xestión da información, análise e síntese.
  - Capacidade de organización e planificación.
  - Comunicación oral e escrita no ámbito empresarial.
  - Coñecementos de informática e TIC relativos ao ámbito de estudo.
  - Resolución de problemas e toma de decisións.
  - Traballo en equipo.
  - Traballo nun contexto internacional.
  - Habilidades nas relacións interpersoais e resolución de conflitos.
  - Recoñecemento á diversidad e a multiculturalidade.
  - Razoamento crítico, compromiso ético e social.
  - Aprendizaxe autónoma permanente e adaptación a novas situacións.
  - Liderado responsábel.
  - Iniciativa, espírito emprendedor, resiliencia e orientación ao logro.
  - Motivación para a mellora continua da calidade e a sustantabilidade medioambiental.
  - Deseño e xestión de proxectos.
  - Habilidades de investigación e curiosidade intelectual.
  - Capacidade para poñer en práctica os coñecementos con perspectiva social e de crecemento.
  - Vocación de servizo e espírito de colaboración.
  - Orde, hixiene, disciplina, puntualidade e imaxe persoal proactiva.
  - Respecto, tolerancia e responsabilidade persoal e profesional.
  - Autoconfianza e seguridade.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

O plan de estudos contempla 28 créditos obligatorios de prácticas externas distribuídas nas materias: Practicum en empresas I (12 créd.) e Practicum en empresas II (16créd.)

Ao longo da estrutura da formación práctico-profesional do plan de estudos, o alumnado terá a oportunidade de poñer en práctica os seus coñecementos teórico-prácticos, habilidades e destrezas, actitudes e valores (competencias) adquiridos, tanto nas diferentes materias dos primeiros cursos cunha orientación máis operativa, como nos últimos cursos en cada practicum, que se realizan con carácter obligatorio. Deste xeito, os alumnos/as poden interiorizar a realidade do sector, identificar diferentes tipos de clientes, coñecer diferentes modelos de negocio empresarial, aprender a integrarse en equipos de traballo e para rematar poder identificar as súas propias fortalezas e áreas de mellora de face á súa integración laboral futura. En cada caso, os obxectivos e resultados de aprendizaxe, duración e destino son variábeis (ámbito local, nacional e internacional), dependendo do ano cursado.

En total, incluíndo os practicum obligatorios e as prácticas encadradas nas diferentes materias do grao, a titulación contempla un total de 52 créditos en actividades formativas práctico-profesionais, o que supón unha parte importante do proceso formativo. En cada curso académico, os alumnos/as que cumpran coas condicións para poder realizar estas prácticas, deben realizalas ao final do período docente presencial no CSHG, permitindo deste xeito pór en práctica as competencias planificadas para cada unha.

O Grao en Xestión e Dirección Hostaleira contempla un traballo fin de grao de 6 créditos. Consiste na elaboración dun proxecto de ámbito empresarial que implique ou ben a integración e posta en práctica de coñecementos e competencias de diferentes áreas do plan de estudos, cunha visión global e integrada, ou ben a especialización nun ámbito específico do currículum do plan de estudos, vinculado á explotación real dun establecemento.

O contido poderá supor a realización dunha análise crítica da realidade empresarial do devandito establecemento ou o desenvolvemento dunha proposta adecuadamente valorada, así como a súa posíbel implementación e posta en práctica.

O TFG estimula a aprendizaxe autónoma, conferindo ao alumnado maior confianza na súa capacidade de aprender por si mesmo e complementa a súa capacidade de adaptación. Permite a adquisición e posta en práctica de coñecementos e habilidades vinculados ás diferentes áreas, posibilitando desenvolver as capacidades de iniciativa e emprendimiento, creatividade e innovación.

Realizaranse titorías personalizadas de apoio e orientación ao estudante na realización do traballo, procurando desenvolver a capacidade reflexiva no estudante e potenciando a súa autonomía en habilidades como a planificación, resolución de problemas e toma de decisións.