Grao en Xeografía e Ordenación do Territorio (3ª edición)

• Perfil de ingreso

  Non existe ningunha formación previa específica para el ingreso no Grao en Xeografía e Ordenación do territorio desde Bacharelato.

• Número mínimo de créditos ECTS de matrícula por estudante e período lectivo

  1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
  2.- Continuación de estudos: libre cun máximo de 75 créditos.

• Acción titorial e acollida

  A Facultade de Xeografía e Historia da USC conta cun Plan de Acción Titorial para as titulacións do centro ao abeiro do que se organizan actividades, unhas colectivas e outras máis personalizadas, dirixidas a orientar ao estudantado en diferentes aspectos da súa vida académica e do seu futuro profesional.
  https://www.usc.gal/es/centro/facultad-geografia-historia/plan-accion-t…

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:
  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Criterios de acceso e admisión

  As probas de acceso ás tres universidades galegas (Avaliación de Bacharelato para o acceso á Universidade (ABAU) e para persoas maiores de 25 e 45 anos) están organizadas pola Comisión Interuniversitaria de Galicia (CIUG). Para solicitar praza, o alumnado debe cumprir algúns dos seguintes requisitos de acceso establecidos no artigo 3 do RD 412/2014:
  • Ter un título de bacharelato ou equivalente e superar a proba de acceso á universidade.
  • Cumprir os requisitos esixidos para o acceso á universidade nos sistemas educativos de Estados membros da Unión Europea ou de outros Estados cos que España teña subscrito acordos internacionais nesta materia.
  • Ter superada a proba de acceso á universidade para maiores de 25 anos, para maiores de 40 anos con experiencia laboral ou profesional ou a proba para maiores de 45 anos.
  • Posuír un título de técnico superior de formación profesional, ensino de artes plásticas e deseño ou de técnico deportivo superior, ou títulos equivalentes.
  • Ter un título

1. Asegurar unha formación integral, multidimensional e holística en Xeografía.
2. Interpretar a diversidade e a complexidade de territorios, ambientes, paisaxes, cidades e lugares.
3. Permitir a comprensión dos fenómenos a diferentes escalas territoriais, desde a global/planetaria ata a local.
4. Interrelacionar o medio físico-natural e a esfera humana e social presente en territorios, ambientes, paisaxes, cidades e lugares, no seo do cambio global/climático na que nos achamos e cunha perspectiva de sustentabilidade humana presente e futura.
5. Desenvolver as habilidades específicas relacionadas coas técnicas de traballo privativas da Xeografía, en especial as relacionadas coa obtención, ordenación, análise, tratamento, síntese e representación de información xeográfica: traballo de campo, cartografía e Tecnoloxías da Información Xeográfica (TIX), incluídos, moi en particular, os Sistemas de Información Xeográfica (SIX).
6. Capacitar para aplicar profesionalmente os coñecementos xeográficos á análise e xestión de territorios, ambientes, paisaxes, cidades e lugares, recoñecendo a natureza dinámica/procesual de todos eles.
7. Posibilitar a aplicación propositiva da Xeografía en termos de elaboración de diagnósticos e propostas para territorios, ambientes, paisaxes, cidades e lugares.
Obxectivos formativos das mencións
Mención Ordenación do territorio e actividades humanas:
1. Capacitar para aplicar profesionalmente os coñecementos xeográficos á análise e xestión do territorio e as cidades.
2. Posibilitar a aplicación propositiva da disciplina en termos de elaboración de diagnósticos e propostas para o territorio e as cidades nunha óptica de sustentabilidade.
Mención Ordenación do territorio e medio ambiente:
1. Capacitar para aplicar profesionalmente os coñecementos xeográficos á análise e xestión ambientais.
2. Posibilitar a aplicación propositiva da disciplina en termos de elaboración de diagnósticos e propostas de medio ambiente e sustentabilidade.

• Competencias

  Comp1 - Coñecer, comprender, analizar e interpretar o territorio, o medio físico-natural, o medio ambiente e a paisaxe.
  Comp2 - Realizar diagnósticos territoriais e ambientais integrados.
  Comp3 - Realizar propostas de planificación e xestión territorial, do medio e da paisaxe.
  Comp4 - Expresar información cartográficamente mediante sistemas de información xeográfica.
  Comp5 - Aprender a coñecer e interpretar directamente o territorio, o medio e a paisaxe a través do traballo de campo.
  Comp6 - Elaborar e interpretar información cuantitativa e cualitativa en Xeografía.
  Comp7 - Explicar a diversidade de lugares, ambientes, cidades e rexións.

• Habilidades e destrezas

  H/D1 - Xestionar a complexidade.
  H/D2 - Entender os problemas xeográficos de forma multidimensional, interrelacionando o medio físico-natural e ambiental coa esfera humana e social.
  H/D3 - Interrelacionar os fenómenos a diferentes escalas territoriais.
  H/D4 - Buscar, xerar, ordenar e sintetizar información xeográfica.
  H/D5 - Expoñer e transmitir coñecementos, métodos e resultados xeográficos de forma autónoma.
  H/D6 - Manexar sistemas de información xeográfica.
  H/D7 - Xerar acordos en equipos interdisciplinares en ordenación do territorio, entendendo a linguaxe e as propostas doutros especialistas.

• Coñecementos

  Con1 - Historia e pensamento da disciplina xeográfica.
  Con2 - Grandes rexións e xeopolítica do mundo.
  Con3 - Xeografía humana.
  Con4 - Xeografía física e medio ambiente.
  Con5 - Ordenación do territorio e urbanismo.
  Con6 - Tecnoloxías e sistemas de información xeográfica.
  Con7 - Métodos e traballo de campo da disciplina xeográfica.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):
https://www.usc.gal/gl/servizos/area/internacional

Prácticas

As prácticas en empresas serán optativas. Suporán a posta en práctica e experimentación dos contidos, as habilidades e as competencias adquiridas no Grao e, en particular, en Ordenación do territorio e medio ambiente: xeodiversidade, patrimonio natural, ordenación e xestión terrestre, conservación e xestión de áreas protexidas, meteoroloxía, bioclimatoloxía, informes ambientais etc.

• Perfil de egreso

  O Observatorio da Profesión do Colexio de Xeógrafos realiza, cada lustro un informe que sinala os «perfís profesionais» da Xeografía agrupados en cinco grandes «ámbitos de traballo».
  1. Tecnoloxías da Información Xeográfica, sobre todo SIG e cartografía temática, pero tamén xestión de bases de datos (Big Data), «Neoxeografías» e Teletedetección.
  2. Planificación territorial e urbanística, que inclúe elaboración de plans territoriais (plans supramunicipais), urbanos (plans xerais, plans especiais etc.) e de paisaxe (catálogos), pero tamén ámbitos consolidados como a redacción, xestión e/o avaliación de instrumentos relativos a equipamentos, mobilidade e vivenda, co novo ámbito da rexeneración urbana integral (RUI).
  3. Medio ambiente: avaliación de impacto ambiental, avaliación ambiental estratéxica, espazos naturais protexidos, educación ambiental, recursos hídricos, riscos, meteoroloxía, Axendas 21, sistemas de calidade ambiental, etc.
  4. Desenvolvemento territorial. A participación cidadá é un dos compoñentes principais deste perfil, xunto coa planificación estratéxica. Séguenlle o desenvolvemento local e a xestión de patrimonio cultural. Tamén se inclúen neste perfil a organización territorial, a cooperación territorial, a promoción do comercio local e o xeomárketing.
  5. Sociedade do coñecemento. Trátase dun perfil moi plural, cunha participación destacada da formación, tanto regrada (universidade e secundaria) como non regrada (talleres de políticas activas de emprego ou outras iniciativas, sobre todo a escala municipal).

Consistirá na elaboración dun traballo no que se acrediten os coñecementos, competencias e destrezas adquiridas durante os estudos realizados na titulación de Grao. Incluirá, como mínimo, tarefas de busca e revisión bibliográfica, lectura e integración de información, elaboración de información relevante, redacción e presentación.
A matrícula realizarase nos prazos establecidos para a matrícula ordinaria, conxuntamente coas materias que teña pendente de superar para completar os estudos de Grao, de ser o caso. Para poder formalizar matrícula do TFG o alumnado poderá ter pendentes como máximo 75 créditos para completar os estudos, excluídos os correspondentes ao TFG.