Grao en Traballo Social

• Perfil de ingreso

  Dado que non se esixe ningunha formación previa específica, os alumnos/as poden ser admitidos na titulación de Grao en Traballo Social si reúnen os requisitos de acceso que establece a lei.
  O perfil de ingreso recomendado para os futuros estudantes é:
  - Ter unha actitude activa de contribución ao desenvolvemento dunha sociedade máis xusta e unha disposición de defensa da xustiza social.
  - Sensibilidade cara ás cuestións de desenvolvemento e incremento do benestar social, a saúde e calidade de vida dos cidadáns.
  - Habilidade para as relacións interpersonales, é dicir, capacidade empática, reflexiva, analítica e de adecuación aos cambios e dinámicas sociais.
  - Interese por temas psicosociales tanto a nivel de opinión como de participación activa.
  - Interese pola intervención social en contextos problemáticos en que viven algúns individuos, familias, grupos, organizacións e comunidades.
  - Ter inquietude e compromiso social.
  - Interese para o traballo cooperativo e o traballo en equipo.
  - Capacidade creativa e de adaptación a novas oportunidades.

• Número mínimo de créditos ECTS de matrícula por estudante e período lectivo

  1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
  2.- Continuación de estudos : libre cun máximo de 75 créditos.

• Acción titorial e acollida

  A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

  Información programa alumnos titores:

  Programa alumnos titores

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Criterios de acceso e admisión

  Poden acceder a estudos de Grao aqueles estudantes que posúan os títulos, diplomas ou estudos seguintes ou otros declarados equivalentes ou homologados a estes:
  A.1. Bacharelato do Sistema Educativo Español, Bacharelato Europeo o Bacharelato Internacional.
  A.2. Bacharelato procedente de sistemas educativos de Estados membros da Unión Europea ou de otros Estados cos que se teñan subscrito acordos internacionais.
  A.3. Técnico Superior de Formación Profesional, Técnico Superior de Artes Plásticas e Diseño ou Técnico Deportivo Superior pertencente ao Sistema Educativo Español.
  A.4. Outros estudos que, nun Estado membro da Unión Europea ou noutros Estados cos que se teñan subscrito acordos internacionais en réxime de reciprocidade, acrediten os requisitos académicos esixidos en ditos Estados para acceder aos seus estudos universitarios.
  A.5. Títulos universitarios oficiais de Diplomado, Arquitecto Técnico, Enxeñeiro Técnico, Licenciado, Arquitecto, Enxeñeiro, Graduado ou Máster Universitario.
  A.6. Estudos universitarios parciais, estranxeiros ou españois.
  Tamén poderán acceder a estudios de Grao:
  B.1. Persoas maiores de vintecinco anos que superen unha proba de acceso específica.
  B.2. Persoas maiores de corenta anos con experiencia laboral ou profesional en relación cunha ensinanza universitaria.
  B.3. Persoas maiores de corenta e cinco anos que superen unha proba de acceso específica.
  Do mesmo xeito, poderán acceder a estudos de Grao:
  C.1. Persoas que estiveran en condicións de acceder á universidade segundo ordenacións do Sistema Educativo Español anteriores á Lei Orgánica 8/2013, de 9 de decembro.

O centro conta con 5 aulas de propósito xeral, con capacidades entre 50 e 120 estudantes, 1 aula seminario con 45 postos, e unha aula de informática. Tamén conta cunha sala de titorías.

A Biblioteca dispón de 32 postos para consulta en sala.

O Centro dispón dunha rede wifi de acceso libre para o seu estudantado.

1. Coñecer e comprender criticamente os fundamentos do Traballo Social como disciplina: historia, teorías, concepto, natureza, métodos e modelos.
2. Identificar e valorar os procesos de formación, desenvolvemento e evolución de persoas, familias, grupos, organizacións e comunidades, así como as súas manifestacións actuais e tendencias de futuro.
3. Mostrar unha comprensión crítica de como os desequilibrios socioestructurais, a discriminación, a opresión, as inxustizas sociais, políticas e económicas impactan nas relacións humanas e xeran situacións de malestar.
4. Mostrar coñecemento da conduta humana e da contorna social facendo especial énfase na relación entre persoa/contorna, desenvolvemento do curso da vida, interacción entre factores biolóxicos, psicolóxicos, socioestructurais e culturais na conformación do desenvolvemento humano e da conduta.
5. Analizar criticamente o concepto de necesidade de acordo ós contextos históricos, sociais e políticos nos que se desenvolve a súa acción profesional.
6. Coñecer e identificar as estratexias principais de intervención dos traballadores/as sociais no desenvolvemento da súa acción profesional con persoas, familias, grupos, organizacións e comunidades.
7. Coñecer a estrutura xeral, organización, prestacións dos Servizos Sociais xerais e especializados existentes nas diferentes Comunidades Autónomas e no ámbito europeo.
8. Sinalar as tendencias principais existentes nas políticas sociais, a nivel nacional e internacional, así como a articulación das mesmas.
9. Mostrar dominio no coñecemento da formación de grupos, das técnicas e instrumentos de programación, das dinámicas de grupo e das técnicas de traballo en grupo.
10. Manexar con soltura os fundamentos teóricos e as aplicacións prácticas dos principais soportes instrumentais do Traballo Social.
11. Coñecer de xeito adecuado as bases do ordenamento xurídico local, autonómico, estatal, comunitario e internacional.
12. Apropiarse dunha cultura científica no que se refire ó uso da epistemoloxía das Ciencias Sociais e á investigación social: proceso de investigación e técnicas de investigación social de natureza cuantitativa e cualitativa.
13. Coñecer as estratexias principais para a resolución de conflitos a través da mediación.
14. Coñecer os fundamentos básicos das tecnoloxías da información e comunicación na súa aplicación ó Traballo Social.
15. Incorporar e asumir o respecto ós dereitos fundamentais e de igualdade de oportunidades entre homes e mulleres, ós principios de igualdade de oportunidades e accesibilidade universal das persoas con discapacidade e dos valores propios dunha cultura da paz e da democracia.

• Competencias básicas

  Que os estudantes demostrasen posuír e comprender coñecementos nunha área de estudo que parte da base da educación secundaria xeral e normalmente seencontra a un nivel que, ben que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo;

  Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que normalmente sedemostran por medio da elaboración e defensa de argumentos e a resolución de problemas dentro da súa área de estudo;

  Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitiren xuízos que inclúan unha reflexión sobre temas relevantes de índole social, científica ou ética;

  Que os estudantes poidan transmitir información, ideas, problemas e solucións a un público tanto especializado como non especializado;

  Que os estudantes desenvolvesen aquelas habilidades de aprendizaxe necesarias para emprender estudos posteriores cun alto grao de autonomía.

• Competencias xerais

  1. Posuír e comprender os coñecementos que definen o Traballo Social como disciplina científica.
  2. Saber aplicar estes coñecementos na súa actividade profesional e saber elaborar e defender argumentos sobre as cuestións que incumben ó Traballo Social.
  3. Ter a capacidade de reunir e interpretar datos relevantes, facer valoracións e diagnósticos sociais.
  4. Ser capaces de transmitir información, ideas, problemas e solucións.
  5. Desenvolver as habilidades de aprendizaxe necesarias para continuar a súa formación e aprendizaxe cun alto grao de autonomía.

• Competencias específicas

  COMPETENCIAS ESPECÍFICAS:
  1.- Ter a capacidade para traballar con persoas, familias, grupos, organizacións e comunidades e valorar de xeito conxunto as súas necesidades e circunstancias promovendo o cambio, a resolución de problemas nas relacións humanas e o fortalecemento e a liberdade da sociedade para incrementar o benestar e a cohesión.
  2.- Ter capacidade para planificar, implementar, revisar e avaliar a práctica do Traballo Social con persoas, familias, grupos, organizacións, comunidades e con outros profesionais, para a promoción do cambio e a resolución de problemas nas relacións humanas.
  3.- Ter capacidade para apoiar ás persoas para que sexan capaces de manifestar as necesidades, puntos de vista e circunstancias.
  4.- Ter capacidade para actuar na resolución das situacións de risco coas persoas así como para as propias e as dos colegas de profesión.
  5.- Ter capacidade para administrar e ser responsable, con supervisión e apoio, da propia práctica dentro da organización.
  6.- Ter capacidade para integrar os principios e normas do Código Deontolóxico de Traballo Social e demostrar competencia profesional no exercicio do Traballo Social mesmo.
  COMPETENCIAS TRANSVERSAIS:
  Seguindo as orientacións do Proxecto Tuning en relación aos perfís académicos e profesionais constitúese unha comisión de estudo do perfil profesional dos traballadores sociais cuxo informe formou parte dos traballos do Libro Branco do título de grao en Traballo Social na que se propón competencias transversais. Así mesmo a USC conforme ás Liñas Xerais para a elaboración das novas titulacións oficiais reguladas polo R.D. 1393/2007 establece competencias transversais para todas as titulacións da Universidade.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

Prácticas Externas Obrigatorias
O presente título de grao de Traballo Social inclúe 28 créditos de prácticas externas de carácter obrigatorio, dos cales 6 créditos atribúense a Prácticas de Investigación en Traballo Social e 22 créditos ao Practicum.
Para matricularse do Practicum é requisito indispensable superar 150 créditos básicos e obrigatorios, entre eles todos os da primeira metade da titulación.

O informe fin de grao poderá versar sobre o desenvolvemento e contido do Practicum ou sobre un contido relacionado con algunha temática ou colectivo no ámbito social, desde algunha das perspectivas das ciencias sociais.
Para matricularse é requisito indispensable superar 150 créditos básicos e obrigatorios, entre eles todos os da primeira metade da titulación.