Grao en Economía

• Perfil de ingreso

  Dado que non existen outros requisitos formativos previos exixibles para iniciar estes estudos, a vía de acceso pode indicar xa un certo perfil, aínda que creemos que sería moi desexable que o futuro estudante do Grao en Economía posuíse as seguintes características persoais e académicas:

  - Interese pola realidade económica e as súas implicaciones sociais
  - Capacidade analítica e de síntese
  - Compromiso social
  - Capacidade de adaptación a unha contorna cambiante e competitiva
  - Competencias lingüísticas en castelán e galego
  - Emprego de ferramentas informáticas básicas

• Número mínimo de créditos ECTS de matrícula por estudante e período lectivo

  1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
  2.- Continuación de estudos : libre cun máximo de 75 créditos.

• Acción titorial e acollida

  A Facultade conta coa colaboración de varios profesores/as que actúan como coordinadores académicos, e cuxa función é titorizar e asistir nas súas decisións académicas aos estudantes propios e de acollida.

  A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

  Información programa alumnos titores:

  Programa alumnos titores

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Criterios de acceso e admisión

  Poden acceder a estudos de Grao aqueles estudantes que posúan os títulos, diplomas ou estudos seguintes ou otros declarados equivalentes ou homologados a estes:
  A.1. Bacharelato do Sistema Educativo Español, Bacharelato Europeo o Bacharelato Internacional.
  A.2. Bacharelato procedente de sistemas educativos de Estados membros da Unión Europea ou de otros Estados cos que se teñan subscrito acordos internacionais.
  A.3. Técnico Superior de Formación Profesional, Técnico Superior de Artes Plásticas e Diseño ou Técnico Deportivo Superior pertencente ao Sistema Educativo Español.
  A.4. Outros estudos que, nun Estado membro da Unión Europea ou noutros Estados cos que se teñan subscrito acordos internacionais en réxime de reciprocidade, acrediten os requisitos académicos esixidos en ditos Estados para acceder aos seus estudos universitarios.
  A.5. Títulos universitarios oficiais de Diplomado, Arquitecto Técnico, Enxeñeiro Técnico, Licenciado, Arquitecto, Enxeñeiro, Graduado ou Máster Universitario.
  A.6. Estudos universitarios parciais, estranxeiros ou españois.
  Tamén poderán acceder a estudios de Grao:
  B.1. Persoas maiores de vintecinco anos que superen unha proba de acceso específica.
  B.2. Persoas maiores de corenta anos con experiencia laboral ou profesional en relación cunha ensinanza universitaria.
  B.3. Persoas maiores de corenta e cinco anos que superen unha proba de acceso específica.
  Do mesmo xeito, poderán acceder a estudos de Grao:
  C.1. Persoas que estiveran en condicións de acceder á universidade segundo ordenacións do Sistema Educativo Español anteriores á Lei Orgánica 8/2013, de 9 de decembro.

O centro conta 37 aulas de docencia teórica-seminario, con capacidade dende 25 a 500 postos e 7 aulas de informática para a docencia con ordenadores, cun total de 120 ordenadores.

Entre os espazos habilitados para o alumnado, conta cunha aula de informática de acceso libre equipada con ordenadores, 3 salas de traballo para estudantes, dúas salas de estudo e unha sala de traballo colaborativo.

Tamén hai que destacar que desde calquera punto da Facultade é posible a conexión sen fíos a Internet.

A Biblioteca do centro da servizo aos estudantes de Economía e de Administración e Dirección de Empresas. O seu espazo repártese en tres andares, e conta con máis de 340 postos de lectura.

A formación de profesionais cos coñecementos científicos necesarios para comprender, interpretar, analizar e explicar o comportamento da economía e dos axentes económicos, e coas destrezas e habilidades básicas para aplicar estes coñecementos á hora de desempeñar labores de xestión, asesoramento e avaliación nos asuntos económicos en xeral. Eses labores pódense desenvolver no ámbito privado ou no público, na empresa ou en calquera outra institución de relevancia económica e social.

• Competencias básicas

  Que os estudantes demostrasen posuír e comprender coñecementos nunha área de estudo que parte da base da educación secundaria xeral e normalmente se encontra a un nivel que, ben que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo;

  Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que normalmente sedemostran por medio da elaboración e defensa de argumentos e a resolución de problemas dentro da súa área de estudo;

  Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitiren xuízos que inclúan unha reflexión sobre temas relevantes de índole social, científica ou ética;

  Que os estudantes poidan transmitir información, ideas, problemas e solucións a un público tanto especializado como non especializado;

  Que os estudantes desenvolvesen aquelas habilidades de aprendizaxe necesarias para emprender estudos posteriores cun alto grao de autonomía.

• Competencias xerais

  1. Posuír e comprender os coñecementos que definen a economía como disciplina científica, incluíndo as súas teorías, historia, métodos, técnicas e áreas de aplicación, a un nivel que se apoia nos libros de texto avanzados e inclúe algúns dos aspectos máis relevantes que están na vangarda do coñecemento en economía.
  2. Saber elaborar e defender argumentos sobre cuestións económicas a un nivel xeral, así como resolver problemas sobre estas cuestións.
  3. Saber identificar, reunir e interpretar datos relevantes sobre cuestións económicas.
  4. Saber comunicar información, ideas, problemas e propostas de solución a cuestións de índole económica tanto a un público especializado como non especializado.
  5. Posuír os coñecementos xerais de economía e as habilidades de aprendizaxe necesarias para continuar estudando cun alto grao de autonomía.

• Competencias específicas

  Coñecer e comprender a natureza da economía e contorna económica inmediata e mediata, nacional e internacional:
  Coñecer e comprender os modelos e técnicas de representación da realidade económica:
  Coñecer e comprender os modelos microeconómicos, economía industrial e funcionamento dos mercados de competencia
  Coñecementos básicos de álxebra lineal, cálculo diferencial e integral, optimización matemática, estatística descritiva, probabilidade, inferencia estatística, modelos de regresión simple e de variables explicativas, e modelos econométricos.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

Recoñecemento de créditos optativos por realización de prácticas externas máximo 6 créditos

O traballo de Fin de Grao terá 6 créditos e só poderá inscribirse unha vez superados 150 créditos, entre eles, todos os da primeira metade da titulación.