Grao en Criminoloxía

• Perfil de ingreso

  Polo seu carácter inter e multidisciplinar, considéranse perfís idóneos de acceso á titulación tanto os estudantes que superen o bacharelato de Humanidades e Ciencias Sociais, como os que superen o bacharelato en Ciencias e Tecnoloxía. Uns e outros deben adquirir as competencias propias do bacharelato, entre elas as de contar coa madurez persoal e social necesarias para actuar responsable e autonomamente, asumir a igualdade efectiva de dereitos e oportunidades entre mulleres e homes, valorar criticamente a realidade do mundo contemporáneo e dispoñer de coñecementos científicos e tecnolóxicos fundamentais. Así mesmo deberá posuír unha especial sensibilidade pola convivencia, o respecto da democracia e mostrar unha boa actitude cara ao traballo individual e en equipo, ter habilidades de planificación e organización e ser metódico e meticuloso.

  É de supoñer que ao grao en Criminoloxía accederán tamén persoas xa incorporadas á vida profesional, especialmente daqueles sectores relacionados coas forzas e corpos de seguridade. Ademais da vontade de renovarse e mellorar a súa situación profesional, delas haberá que esperar as mesmas capacidades indicadas con anterioridad.

• Número mínimo de créditos ECTS de matrícula por estudante e período lectivo

  1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
  2.- Continuación de estudos : libre cun máximo de 75 créditos.

• Acción titorial e acollida

  Un dos primeiros días de clase, o equipo decanal da facultade reúnese cos alumnos de primeiro para facilitarlles a súa entrada no centro. Explícaselles todo o que teña que ver coa docencia e os servizos de apoio, e preséntaselles a oferta de titorías individualizadas.

  Nos primeiros días do curso, a Universidade de Santiago de Compostela realiza nas súas facultades e escolas unhas xornadas de presentación para os seus novos/as estudantes. Promovidas polo Vicerrectorado con competencias en materia de apoio aos/as estudantes e acción social, teñen como obxectivo proporcionar aos/as estudantes información sobre os servizos que a Universidade de Santiago de Compostela pon á súa disposición, así como a oferta extracurricular en materia de formación e lecer. As presentacións corren a cargo de profesores/ás, técnicos/as, persoal de administración e servizos e membros do Consello de Dirección da Universidade de Santiago de Compostela.

  A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

  Información programa alumnos titores:

  Programa alumnos titores

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Criterios de acceso e admisión

  Poden acceder a estudos de Grao aqueles estudantes que posúan os títulos, diplomas ou estudos seguintes ou otros declarados equivalentes ou homologados a estes:
  A.1. Bacharelato do Sistema Educativo Español, Bacharelato Europeo o Bacharelato Internacional.
  A.2. Bacharelato procedente de sistemas educativos de Estados membros da Unión Europea ou de otros Estados cos que se teñan subscrito acordos internacionais.
  A.3. Técnico Superior de Formación Profesional, Técnico Superior de Artes Plásticas e Diseño ou Técnico Deportivo Superior pertencente ao Sistema Educativo Español.
  A.4. Outros estudos que, nun Estado membro da Unión Europea ou noutros Estados cos que se teñan subscrito acordos internacionais en réxime de reciprocidade, acrediten os requisitos académicos esixidos en ditos Estados para acceder aos seus estudos universitarios.
  A.5. Títulos universitarios oficiais de Diplomado, Arquitecto Técnico, Enxeñeiro Técnico, Licenciado, Arquitecto, Enxeñeiro, Graduado ou Máster Universitario.
  A.6. Estudos universitarios parciais, estranxeiros ou españois.
  Tamén poderán acceder a estudios de Grao:
  B.1. Persoas maiores de vintecinco anos que superen unha proba de acceso específica.
  B.2. Persoas maiores de corenta anos con experiencia laboral ou profesional en relación cunha ensinanza universitaria.
  B.3. Persoas maiores de corenta e cinco anos que superen unha proba de acceso específica.
  Do mesmo xeito, poderán acceder a estudos de Grao:
  C.1. Persoas que estiveran en condicións de acceder á universidade segundo ordenacións do Sistema Educativo Español anteriores á Lei Orgánica 8/2013, de 9 de decembro.

A Facultade de Dereito dispón de conta con 11 aulas de propósito xeral, 9 aulas de seminario, 4 aulas de informática, e 2 salas habilitadas como aulas de idiomas.

Entre os espazos habilitados para o alumnado, conta cunha sala de lectura con máis de 200 postos.

Tamén hai que destacar que desde calquera punto da Facultade é posible a conexión sen fíos a Internet.

A Biblioteca “Concepción Arenal”, que da servizo a Ciencia Política, Dereito e Relacións Laborais, atópase nun edificio anexo á Facultade, e conta con máis de 900 postos de lectura.

Esta formación multidisciplinar do criminólogo permítelle intervir tanto nas esferas de prevención da delincuencia como de reacción fronte ao delito, polo que o seu campo profesional é extenso, indo da administración de xustiza, ata a seguridade pública ou privada, pasando polo terceiro sector e a atención a vítimas.

• Competencias básicas

  Que os estudantes demostrasen posuír e comprender coñecementos nunha área de estudo que parte da base da educación secundaria xeral e normalmente seencontra a un nivel que, ben que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo;

  Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que normalmente sedemostran por medio da elaboración e defensa de argumentos e a resolución de problemas dentro da súa área de estudo;

  Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitiren xuízos que inclúan unha reflexión sobre temas relevantes de índole social, científica ou ética;

  Que os estudantes poidan transmitir información, ideas, problemas e solucións a un público tanto especializado como non especializado;

  Que os estudantes desenvolvesen aquelas habilidades de aprendizaxe necesarias para emprender estudos posteriores cun alto grao de autonomía.

• Competencias xerais

  - Capacidade para colaborar cos demais e relacionarse, tanto con profesionais das diversas facetas da actividade criminolóxica, como dentro de equipos interdisciplinares e multiculturais.
  - Capacidade para reflexionaren de xeito crítico e constructivo e para argumentar e expresar organizada e razonadamente
  - Capacidade para identificar e explicar problemas sociais complexos no ámbito da criminoloxía e para aplicar as estratexias adecuadas para resolvelos, traballando cunha perspectiva sistémica que faga posible a súa consideración analítica e sintética
  - Adquisición dunha conciencia crítica na análise do ordenamiento xurídico, situándose nunha perspectiva plenamente respectuosa cos principios do respecto e a promoción dos dereitos humanos, de igualdade e da accesibilidade universal
  - Capacidade para utilizar os coñecementos que conforman a criminoloxía como disciplina científica e para identificar e desenvolver un conxunto de estratexias de investigación de metodoloxía cuantitativa e cualitativa, tanto nos ámbitos básicos, como nos aplicados
  - Capacidade para reunir, interpretar e sintetizar datos e informacións (en particular a través da rede informática), dentro da súa área de estudo
  - Capacidade para transmitir información, ideas, problemas e solucións a un público tanto especializado como non especializado, utilizando unha linguaxe (xurídica, médica, psicolóxica, sociolóxica e técnica) correcta
  - Capacidade de análise e de síntese, para adquirir unha visión global dos problemas e para aplicar os coñecementos á práctica
  - Capacidade para tomar decisións e de adaptación a novas situacións
  - Recoñecemento da diversidad e da multiculturalidade

• Competencias específicas

  - Capacidade para identificar e comprender cuestións relativas aos dereitos fundamentais de quen son obxecto dun procedemento penal, así como, en xeral, de quen se ve afectado polas respostas perante o delito e a desviación
  - Capacidade para valorar os fundamentos metodolóxicos e científicos das diversas teorías relevantes sobre o delito, o delincuente, a victimización e as respostas ante o delito e a desviación
  - Comprensión básica da organización, estrutura e funcionamento do sistema de execución penitenciaria e das medidas alternativas, así como dos métodos e estratexias necesarios para a consecución da reinserción social dos penados e a redución dos efectos perniciosos da prisión
  - Competencia para proporcionarlle ao xuíz coñecementos científicos sobre os sucesos delictuosos axuizados, a personalidade do autor, os factores criminóxenos existentes e o tipo de resposta aplicable, todo iso da man dun correcto emprego dos conceptos e as teorías criminolóxicas, así como para efectuar tarefas de asesoramento en relación coa interpretación dos informes forenses
  - Comprensión e coñecemento das principais institucións do dereito público e da estrutura e fundamento dos sistemas políticos
  - Capacidade para explicar problemas sociais complexos en términos de teoría criminolóxica, así como para aclarar as representacións do delito, do delincuente, da victimización, das respostas ante o delito e da desviación a partir das teorías e dos conceptos criminológicos
  - Coñecemento das diferentes perspectivas sociolóxicas existentes en torno ao delito e á súa relación cos diversos contexto e dominios sociolóxicos (a familia, a estrutura social, a marxinalidade, o control social...)
  - Coñecemento das nocións e conceptos básicos das diferentes escolas sociolóxicas, en especial da socioloxía construtivista e da teoría dos imaxinarios sociais
  - Coñecemento dos principais instrumentos de valoración do risco de conduta antisocial e/ou delictuosa
  - Comprensión e aplicación dos principais coñecementos "teórico-empíricos" proporcionados pola investigación "biopsico-social" achega do feito delictuoso e da conduta antisocial
  - Adquirir os coñecementos necesarios para solicitar, interpretar e abordar con rigor científico os diversos tipos de informes ou pericias médico-legais
  - Coñecemento das terminoloxía médico-legal adecuada para transmitir con rigor científico as súas teses e conclusións aos maxistrados, fiscais, avogados, xurados, administración e a calquera outro que solicite os seus servizos
  - Coñecemento das técnicas de investigación policial máis apropiadas desde o punto de vista da seguridade cidadá e os dereitos fundamentais, tanto en relación coa prevención do delito, como coa súa persecución
  - Coñecemento dos diferentes mecanismos de cooperación penal, tanto no plano universal, como no rexional europeo, para a persecución dos crimes internacionais e doutras formas de delincuencia transnacional
  - Coñecemento das novas formas de criminalidade, en especial do crime organizado, afondar nas novas técnicas de investigación criminal e nos seus límites

• Competencias transversais

  - Aprendizaxe autónoma
  - Adaptación a novas situacións
  - Liderado
  - Motivación pola calidade e a excelencia profesional
  - Sensibilidade con temas da realidade social, económica e ambiental
  - Espírito de superación

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

O plan de estudos do grao en criminoloxía contempla a realización dun Practicum obrigatorio de 16,5 créditos. O obxectivo fundamental é que o alumnado desenvolva as competencias adquiridas en materias do grao a través da súa inmersión nun contorno laboral representativo do seu contexto profesional futuro.

Para poder formalizar a matrícula no Practicum, os alumos deberán ter superadas as seguintes materias:

-Todas as materias de primeiro e segundo curso.

-As seguintes materias de terceiro curso:
G3191321 Delincuencia e xustiza xuvenil
G3191323 Penoloxía e ciencia penitenciaria
G3191326 Psicoloxía criminal II
G3191327 Avaliación e tratamento do delincuente
G3191330 Proceso penal
G3191331 Psiquiatría forense
G3191332 Vitimoloxía

-A seguinte materia de cuarto curso:
G3191422 Medicina legal e criminalística

Os procedementos para a realización do practicum axústanse á normativa que a este respecto ten a USC, aprobada en Consello de Goberno (29/07/2015)3 e ao do Sistema de Garantía de Calidade da facultade de Dereito. Organizaranse e administrarán, co fin de garantir a calidade, o recoñecemento académico e o aproveitamento máis adecuado por parte do alumnado. Para iso, o alumnado terá un/a titor/a externo/a, pertencente á institución en que se leve a cabo as prácticas, que se coordinará cun/a titor/a académico/a que realizará a avaliación en función da memoria que o alumnado debe realizar e do informe emitido polo/a titor/a externo/a.

Poderán realizarse en organismos ou entidades colaboradoras, tales como empresas, entidades públicas e privadas relacionadas co ámbito da criminoloxía nun sentido amplo. Na actualidade, a Facultade de Dereito ten convenios de prácticas activos con numerosas empresas e institucións que son susceptibles, polos seus obxectivos e contidos, de ser ampliados e ofertados aos alumnos da propia facultade no futuro grao en criminoloxía.

Os alumnos deberán realizar un traballo no que demostren as competencias adquiridas ao longo da titulación. A facultade, por proposta do coordinador do programa, fará cada curso unha oferta de traballos, tendo en conta os contidos formativos incluídos no plan de estudos, e de titores. Os alumnos seleccionarán o tema do traballo dentro desa oferta e o titor ou titores serán designados a cada alumno en función do contido do traballo e da capacidade docente do profesorado. A avaliación levarase a cabo sobre a base dun informe de valoración emitido polo titor. Para poder matricularse do traballo de fin de grado, os alumnos deberán ter superados 150 ECTS da titulación, entre eles todos os de formación básica.