Grao en Historia (2ª edición)

• Perfil de ingreso

  Aínda que non se esixe ningunha formación previa específica, para o ingreso no grao en Historia, recoméndase que a formación do alumnado sexa de perfil humanístico.

• Número mínimo de créditos ECTS de matrícula por estudante e período lectivo

  tiempo parcial (30 créditos).
  2.- Continuación de estudios : libre con un máximo de 75 créditos.
  1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
  2.- Continuación de estudos: libre cun máximo de 75 créditos.

• Acción titorial e acollida

  A Facultade de Xeografía e Historia da USC conta cun Plan de Acción Titorial para as titulacións do centro ao abeiro do que se organizan actividades, unhas colectivas e outras máis personalizadas, dirixidas a orientar ao estudantado en diferentes aspectos da súa vida académica e do seu futuro profesional.
  https://www.usc.gal/es/centro/facultad-geografia-historia/plan-accion-t…

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:
  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Criterios de acceso e admisión

  As probas de acceso ás tres universidades galegas (Avaliación de Bacharelato para o acceso á Universidade (ABAU) e para persoas maiores de 25 e 45 anos) están organizadas pola Comisión Interuniversitaria de Galicia (CIUG). Para solicitar praza, o alumnado debe cumprir algúns dos seguintes requisitos de acceso establecidos no artigo 3 do RD 412/2014:
  • Ter un título de bacharelato ou equivalente e superar a proba de acceso á universidade.
  • Cumprir os requisitos esixidos para o acceso á universidade nos sistemas educativos de Estados membros da Unión Europea ou de outros Estados cos que España teña subscrito acordos internacionais nesta materia.
  • Ter superada a proba de acceso á universidade para maiores de 25 anos, para maiores de 40 anos con experiencia laboral ou profesional ou a proba para maiores de 45 anos.
  • Posuír un título de técnico superior de formación profesional, ensino de artes plásticas e deseño ou de técnico deportivo superior, ou títulos equivalentes.
  • Ter un título universitario oficial de grao, máster ou un título dos correspondentes á anterior ordenación do ensino universitario (diplomado universitario, arquitecto técnico, licenciado, arquitecto, enxeñeiro) ou títulos equivalentes.
  • Ter cursados estudos universitarios parciais estranxeiros ou españois, ou que, ó finalizar os estudos universitarios estranxeiros, non teñan obtido a súa homologación en España e queiran continuar estudos nunha universidade española. Neste suposto, será requisito indispensable que a universidade correspondente recoñeza a lo menos 30 créditos ECTS.
  • Estar en condicións de acceder á universidade segundo ordenacións educativas anteriores á Lei Orgánica 8/2013, non incluídas nos apartados anteriores.

  De maneira xeral existen as seguintes vías de acceso á Universidade:
  • Proba de acceso á universidade (ABAU): Unha vez terminado o bacharelato, para poder acceder a un grao universitario débese superar a Avaliación de Bacharelato para o acceso á Universidade.
  https://ciug.gal/gal/abau
  • Acceso desde a Formación Profesional: Se se dispón dun título oficial de técnico superior de formación profesional, de técnico superior de artes plásticas e deseño ou de técnico deportivo superior, ou títulos, diplomas ou estudos declarados equivalentes ou homologados no sistema educativo español, pódese acceder a estudar unha titulación de grao na universidade. As solicitudes ordenaranse segundo a nota media do título de técnico superior realizado sobre un máximo de 10. Se se desexa mellorar a nota de admisión aos estudos de grao, pódese facer a proba da parte voluntaria da ABAU.
  https://www.usc.es/export9/sites/webinstitucional/gl/servizos/oiu/desca…
  • Proba de acceso para maiores de 25 anos: Poden facer esta proba as persoas que sexan maiores de 25 anos de idade no ano en que se celebre a proba e que non teñan ningunha titulación académica que dea acceso á universidade por outra vía.
  • Maiores de 45 anos: Os maiores de 45 anos de idade poden estudar titulacións oficiais de grao despois de superar unha proba de acceso adaptada.
  • Acceso maiores de 40: mediante validación da experiencia laboral.

· Proporcionar un coñecemento racional e crítico do pasado para alcanzar unha mellor comprensión do presente
· Ofrecer unha aproximación integral ao estudo do pasado, que inclúa as dimensións política, social, económica, ambiental, tecnolóxica e cultural.
· Coñecer os principais debates historiográficos segundo contextos, temas e períodos coa finalidade de reflexionar de forma crítica sobre o pasado.
· Contribuír ao recoñecemento crítico da diversidade histórica e cultural.
· Entender criticamente os factores e axentes que configuraron as sociedades actuais, e con eles as principais claves explicativas do presente.
· Contribuír ao desenvolvemento dunha conciencia cívica e a inculcar actitudes de tolerancia e respecto polos puntos de vista que se derivan de diferentes tradicións históricas e culturais.
· Educar nos valores de igualdade de xénero e non discriminación, a través do coñecemento da loita por alcanzalos nos diferentes momentos históricos.
· Proporcionar un coñecemento preciso dos acontecementos e dos procesos de cambio e de continuidade nunha perspectiva diacrónica.
· Adquirir un coñecemento básico dos principais métodos, técnicas e instrumentos de análises do traballo histórico/da investigación histórica.
· Adquirir un coñecemento básico das novas tecnoloxías dixitais e das posibilidades que a súa aplicación ofrece ao traballo historiográfico.
· Expresar con claridade ideas e razoamentos, tanto por escrito como oralmente.

• Competencias

  CB1 - Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, especialmente nun contexto de investigación.
  CB2 - Aplicar os coñecementos adquiridos e a súa capacidade de resolución de problemas en contornas novas ou pouco coñecidas dentro de contextos máis amplos (ou multidisciplinares) relacionados coa súa área de estudo.
  CB3 - Integrar coñecementos e enfrontarse á complexidade de formular xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos.
  CB4 - Comunicar conclusións, e os coñecementos e razóns últimas que as sustentan, a públicos especializados e non especializados dun modo claro e sen ambigüidades.
  CB5 - Posuír habilidades de aprendizaxe que permitan ao alumnado continuar estudando dun modo que haberá de ser en gran medida autodirixido ou autónomo.
  CE1 - Coñecer, analizar e transmitir a historia xeral e a historia propia do territorio.
  CE2 - Coñecer, analizar e interpretar detalladamente un ou máis períodos específicos do pasado da humanidade.
  CE3 - Coñecer e interpretar a historia como disciplina en construción.
  CE4 - Coñecer e comprender os problemas obxecto do debate historiográfico, así como os cambios que estes experimentan co tempo en función dos diversos contextos políticos, sociais e culturais.
  CE5 - Tomar conciencia crítica da relación entre as dimensións social, económica e institucional do pasado.
  CE6 - Coñecer e ser capaz de utilizar os instrumentos de descrición de arquivos, bibliotecas e centros de documentación, sexa cal for o seu soporte e vía de acceso.
  CE7 - Comprender, interpretar e elaborar textos historiográficos ou documentos orixinais na lingua propia.
  CE8 - Comprender o rexistro arqueolóxico como unha secuencia diacrónica de feitos do pasado e coñecer aquelas estratexias que permiten ordenalo e entendelo.
  CG1 - Coñecer e analizar a estrutura diacrónica da historia atendendo á contribución desenvolvida por persoas de diferentes xéneros.
  CG2 - Adquirir un coñecemento racional e crítico do pasado da humanidade para poder comprender o presente.
  CG3 - Usar, ordenar e interpretar as fontes históricas.
  CG4 - Coñecer e manexar os conceptos, categorías e temas máis relevantes das diferentes ramas da investigación histórica.
  CG5 - Coñecer e usar métodos e técnicas doutras ciencias humanas e sociais.
  CT1 - Aplicar pensamento analítico, crítico, lóxico e creativo, demostrando dotes de innovación.
  CT2 - Demostrar as habilidades necesarias para expresarse con claridade e coherencia, tanto por escrito como verbalmente, a un público especializado ou non especializado, utilizando correctamente a terminoloxía propia da disciplina histórica.
  CT3 - Desenvolver as habilidades necesarias para o uso das TIC no ámbito de estudo.
  CT4 - Estimular a aparición de actitudes de compromiso ético, axustadas a un código deontolóxico de boa praxe no tratamento, da forma máis crítica e obxectiva posible, das fontes históricas e historiográficas.

• Habilidades e destrezas

  DEAS1 - Ser capaz de manexar ferramentas tecnolóxicas aplicadas ao coñecemento, comprensión e divulgación dos contextos históricos.
  DEAS2 - Ser capaz de seleccionar, interpretar e difundir informacións e interpretacións sobre o pasado histórico adaptándoas a diferentes públicos e ás necesidades sociais.
  DEAS3 - Ser capaz de traballar en equipo cunha actitude colaborativa e interdisciplinar na contorna de estudo e de traballo, mediante o debate e o intercambio de ideas e pareceres.
  HAB1 - Identificar, interpretar e comprender os procesos do cambio histórico.
  HAB2 - Aplicar o coñecemento histórico na resolución de problemas do presente.
  HAB3 - Identificar os recursos, tanto teóricos como metodolóxicos, que ofrecen outras ciencias humanas e sociais para o estudo e comprensión da Historia.
  HAB4 - Establecer relacións con outras áreas do coñecemento científico que proporcionen información sobre a historia da humanidade.
  HAB5 - Identificar fontes de información histórica, recompilar e analizar datos e elaborar sínteses en relación con eles.
  HAB6 - Manexar os principios fundamentais conforme aos que se desenvolve o método científico, as formas e lugares de obtención de documentación histórica para o seu posterior tratamento e presentación de resultados conforme ás correntes máis significativas.

• Coñecementos

  CON1 - Concepto e fundamento da disciplina histórica.
  CON2 - Coñecemento dos principais procesos e factores de cambio (político, económico, social, cultural e ambiental) ao longo os diferentes períodos históricos.
  CON3 - Coñecemento das contribucións desenvolvidas por persoas de diferentes xéneros nos diferentes ámbitos políticos, institucionais, económicos, sociais, culturais e/ou tecnolóxicos ao longo do percorrido histórico.
  CON4 - Coñecemento da historia conforme a unha perspectiva global e interconectada no tempo e no espazo.
  CON5 - Coñecemento da historia como instrumento de identidade e memoria colectiva, tanto no presente como nas sociedades do pasado.
  CON6 - Coñecemento das fontes, tanto arqueolóxicas como documentais, manexadas para a interpretación do percorrido histórico.
  CON7 - Coñecemento das correntes historiográficas e a súa evolución.
  CON8 - Coñecemento de metodoloxías propias das Humanidades Dixitais aplicadas ao ámbito docente e da divulgación histórica.
  CON9 - Coñecemento dos elementos, así materiais como simbólicos, que caracterizan a vida cotiá das sociedades do pasado.
  CON10 - Coñecemento do impacto xerado pola acción humana sobre a paisaxe e o territorio, así como dos procesos históricos que causaron o actual cambio climático.
  CON11 - Coñecemento da utilización da historia, tanto de maneira coetánea a un período histórico, como con posterioridade, e da súa capacidade para xerar opinión pública.
  CON12 - Coñecemento da evolución histórica da linguaxe nos seus diferentes rexistros, así oral como escrito e visual, como ferramenta de interpretación do pasado.
  CON13 - Coñecemento das técnicas arqueolóxicas e o seu potencial para a análise do modo de vida das sociedades do pasado.
  CON14 - Coñecemento dos mecanismos de construción do relato historiográfico e as súas potencialidades narrativas desde o presente, a través da historia pública.
  CON15 - Coñecementos sobre a valorización do patrimonio material e inmaterial: fundamentos e técnicas.
  CON16 - Coñecemento dos principios de intervención nun xacemento arqueolóxico.
  CON17 - Coñecemento dos principios e procedementos de acceso, consulta de fondos e tarefas desenvolvidas nun arquivo.
  CON18 - Coñecemento da creación e implementación de proxectos innovadores e sostibles, así como dos leitos de execución de proxectos docentes e/o divulgativos en relación á disciplina histórica.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):
https://www.usc.gal/gl/servizos/area/internacional
En canto a programas de axudas á mobilidade propios da Universidade de Santiago de Compostela, existen na actualidade os seguintes:
· Programa de bolsas de mobilidade para Universidades de Estados Unidos e Puerto Rico integradas na rede ISEP
· Programa de bolsas de mobilidade para Universidades de América, Asia e Australia coas que se teñen establecido convenio bilateral
· Programa de bolsas de mobilidade Erasmus para Universidades de países europeos
· Programa de bolsas de mobilidade Erasmus Mundus External Cooperation Window (EMECW) para Universidades de Asia Central.
· Convenios e cartas de interese dos clústeres TIC e Audiovisual a nivel autonómico, así como de CRUSOE e TimeMachine.

Prácticas

As Prácticas Académicas Externas (PAE) sitúan ao alumnado en escenarios profesionais reais que favorecen a adquisición de coñecementos e a posta en práctica das habilidades e destrezas necesarias na súa futura inserción laboral. Neste contexto, o alumnado observa, analiza, reflexiona e aprende a tomar decisións e a actuar. Permítenlle, ademais, achegarse ao mundo profesional desde diferentes dimensións e ao desenvolvemento, nun contexto espazo-temporal concreto, das competencias profesionais fundamentais da titulación. As prácticas académicas externas son de carácter voluntario.
A Facultade de Xeografía e Historia da USC conta cun amplo número de convenios de prácticas externas activos e renovados no ano 2022. Pódense consultar na seguinte ligazón:
https://pro-assets-usc.azureedge.net/cdn/ff/s8T-h8RDTFyd2QjPCSPNWGGxc-i… %282022%29.pdf

• Perfil de egreso

  O grao en Historia proporciona persoal especializado no coñecemento dos máis variados procesos políticos, socioeconómicos, humanos, ambientais e culturais, o que é susceptible de dar resposta a necesidades sociais moi variables, que van desde o ámbito docente ao da xestión cultural.

Elaboración dun traballo individual no que o alumnado demostre a adquisición e o manexo dos coñecementos, habilidades, destrezas e competencias proporcionados no transcurso da titulación. Tratarase dun traballo de iniciación á investigación, no que se poderán manexar fontes de diversa natureza, así como desenvolver tarefas de procura e revisión bibliográfica que permitan a culminación dun proxecto orixinal no que se demostre a capacidade de ordenar a información, a calidade da redacción e a habilidade para construír un discurso propio ao redor de calquera dos diferentes ámbitos de estudo historiográfico.
A avaliación realizarase por parte de tribunal e/o titor (segundo o procedemento establecido), despois dun acto de defensa pública do Traballo valorando a correcta realización e presentación do traballo e a capacidade de argumentación ás cuestións que se lle poidan expor polo tribunal e/o titor.