María José López Couso renuncia ao seu cargo de vicerreitora de Titulacións e Internacionalización

A catedrática da USC María José López Couso renunciou ao seu cargo de vicerreitora de Titulacións e Internacionalización ao rexistrar a súa candidatura de cara ás vindeiras eleccións á Reitoría da USC. O reitor Antonio López Díaz, que asume as competencias desta Vicerreitoría, agradécelle “todo o esforzo e labor desenvolvido ao longo destes anos”.

María José López Couso é licenciada en Filoloxía Xermánica (Inglés) e doutora en Filoloxía Inglesa pola Universidade de Santiago de Compostela. Desempeñou os cargos de vicerreitora de Titulacións e Captación Internacional (2020-2022), decana da Facultade de Filoloxía (2012-2020), vicedecana (2008-2012), responsable académica de Mobilidade (2002-2004), e presidenta do Colexio de Decanos/as e Directores/as de Centro da USC (2014-2019).