Fondo pesar na USC polo pasamento de Alberto Rodríguez Calvo
Era técnico de transferencia de coñecemento na AVTE
Santiago de Compostela
A USC manifesta o seu fondo pesar polo pasamento de Alberto Rodríguez Calvo, técnico de transferencia de coñecemento da Área de Valorización Transferencia e Emprendemento (AVTE).
Rodríguez Calvo, egresado da Facultade de Química, estivo vinculado á transferencia de coñecemento na USC dende o ano 1989. Os seus compañeiros da AVTE destacan que “botarán en falta a súa valiosa achega profesional e a súa insubstituíble capacidade para crear un bo ambiente de traballo”.