Traballos presentados | Universidade de Santiago de Compostela

Deseño e construción dun UAV de baixo custo, para aplicacións de vixilancia e recoñecemento mediante cámaras e sensores específicos, aplicado a misións ISR (Intelligence, Surveillance and Recognition)

Autoría
L.A.B.
Máster Universitario en Sistemas Aéreos non Tripulados

Data da defensa
10.07.2025 13:15

Resumo
Este traballo de fin de máster abordou o deseño e a construción dun vehículo aéreo non tripulado (UAV) destinado a misións de intelixencia, vixilancia e recoñecemento (ISR) e o seu obxectivo principal foi desenvolver un UAV capaz de operar en contornas tácticas con autonomía, estabilidade e eficiencia, ofrecendo unha alternativa estratéxica ás plataformas tripuladas e aos custosos sistemas militares de UAV. Non obstante, a investigación realizada revelou a complexidade tecnolóxica e os obstáculos inherentes ao desenvolvemento deste tipo de vehículos, que inclúen requisitos estritos para sistemas de comunicación seguros que sexan resistentes aos ciberataques e á guerra electrónica, ademais doutras especificacións que prolongan os ciclos de deseño e produción. Esta comprensión levou a unha redefinición estratéxica do proxecto e concluíuse que sería máis factible e eficiente modificar os drons comerciais existentes para adaptalos a tarefas ISR.

Dirección
Iniesto Alba, María José (Titoría)

Tribunal
Iniesto Alba, María José (Coordinador)
Iniesto Alba, María José (Presidente/a)
DIAZ VARELA, EMILIO RAFAEL (Secretario/a)
Fernandez Cabanas, Manés (Vogal)

Plan de gestión para desarrollar un software comparativo de precios en supermercados

Autoría
A.B.P.
Máster Universitario en Dirección de Proxectos (2ªed)

Data da defensa
11.07.2025 18:30

Resumo
No presente proxecto, lévase a cabo o plan de xestión do proxecto de desenvolvemento dunha aplicación multimedia que permita a comparación de prezos de distintos productos en diversas cadenas de supermercados.

Dirección
BARRASA RIOJA, MARTIN (Titoría)

Tribunal
AMIAMA ARES, CARLOS (Presidente/a)
DIAZ VARELA, EMILIO RAFAEL (Secretario/a)
PEREZ CRUZADO, CESAR (Vogal)

Plan de Xestión de Proxecto para a instalación de puntos de carga de vehículo eléctrico en edificio administrativo da Xunta de Galicia

Autoría
A.B.A.
Máster Universitario en Dirección de Proxectos (2ªed)

Data da defensa
11.07.2025 16:30

Resumo
No presente documento recóllese o Plan de Xestión de Proxecto para a instalación de puntos de carga de vehículos eléctricos nun edificio de uso administrativo da Xunta de Galicia. Esta actuación lévase a cabo co propósito de satisfacer as necesidades de recarga dos vehículos eléctricos e híbridos enchufables que conforman a actual e futura frota do parque móbil da devandita administración. As actuacións descritas neste documento enmárcanse dentro das políticas de impulso do vehículo eléctrico, desenvolvidas por diversas directivas aprobadas polo Parlamento e o Consello Europeos, así como nas políticas de sustentabilidade e eficiencia enerxética promovidas pola administración pública galega. Para a elaboración deste plan optouse por unha integración metodolóxica que combina elementos de PM2, PMI e IPMA, co fin de adaptar a xestión do proxecto a un entorno público complexo, con múltiples actores, requisitos normativos esixentes e financiamento europeo. Esta combinación permite aproveitar a estrutura de gobernanza e trazabilidade de PM2, a solidez técnica e estandarización do enfoque PMI, e a orientación competencial e contextual de IPMA. O plan abrangue as fases de inicio e planificación do proxecto. Na fase de inicio defínense o alcance, os obxectivos, os interesados e os criterios de éxito, e elabórase a acta de constitución. Na fase de planificación desenvólvense o cronograma, o orzamento, a xestión de riscos, a estratexia de comunicación e os estándares de calidade. Así mesmo, identifícanse os recursos necesarios e establécese un plan de adquisicións para a instalación dos puntos de carga. O documento incorpora artefactos e ferramentas das metodoloxías mencionadas, proporcionando unha guía estruturada e coherente para a xestión do proxecto, co obxectivo de garantir a súa viabilidade técnica, económica e organizativa, e a súa alineación cos compromisos institucionais en materia de sustentabilidade.

Dirección
AMIAMA ARES, CARLOS (Titoría)

Tribunal
BARRASA RIOJA, MARTIN (Coordinador)
BARRASA RIOJA, MARTIN (Presidente/a)
DIAZ VARELA, EMILIO RAFAEL (Secretario/a)
PEREZ CRUZADO, CESAR (Vogal)

Proxecto dunha nave de recría de xovencas para produción de leite en Guitiriz (Lugo)

Autoría
X.C.R.
Máster Universitario en Enxeñaría Agronómica

Data da defensa
19.02.2025 12:00

Resumo
O obxectivo deste traballo é proxectar unha nave que permita ao promotor realizar a recría de xovencas necesarias para explotación de gando vacún da que é titular buscando facilitar o manexo diario o máximo posible. No deseño desta terase en conta o benestar animal e o cow comfort. Ademais construiranse dous silos trincheira para almacenar forraxe para estes animais. O proxecto executarase na finca do promotor que está situada en Os Vilares (Guitiriz) e con referencia catastral 27022A161001320000FT, esta cumpre os requisitos urbanísticos esixidos para un proxecto desta índole. Conta cunha superficie de 2,44 hectáreas en Solo Rústico de Especial Protección Agropecuaria, nela atópanse todas as instalacións da gandaría e a zona onde se pretenden construír a nave e os silos está a pradeira. Na explotación traballase principalmente coas razas Frisoa e Jersey. Prestouse especial atención ao proceso produtivo considerando transcendental esta etapa da recría para o desenvolvemento da futura vaca leiteira. No traballo, para a nave fíxose un deseño das instalacións considerando as xovencas necesarias anualmente e para os silos valoráronse as forraxes que anualmente se almacenarán. Realizáronse os cálculos construtivos da estrutura que estará constituída por correas, piares, vigas e paneis de formigón prefabricados e da cimentación que será executada in situ. Tamén se fixeron os cálculos de todas as instalacións necesarias para un correcto funcionamento da nave. Os silos faranse con paneis de formigón prefabricado e contarán con instalación de saneamento horizontal. En canto á programación das obras, estímase que durarán un total de 66 días. Realizouse un presuposto detallado de todos os seus costes de execución que ascende a 525.974,39 €. Tamén se fixo unha avaliación económica-financieira.

Dirección
Fernández Rodríguez, María Elena (Titoría)

Tribunal
DIAZ VARELA, EMILIO RAFAEL (Coordinador)
DIAZ VARELA, EMILIO RAFAEL (Presidente/a)
RODRIGUEZ RODRIGUEZ, MANUEL RAMIRO (Secretario/a)
MENDEZ LODOS, MANUEL (Vogal)

Nave de Recría para 180 Novillas Holstein en Boqueixón

Autoría
J.J.C.M.
Máster Universitario en Enxeñaría Agronómica

Data da defensa
19.02.2025 13:00

Resumo
Co presente proxecto preténdese a construcción dunha nave que dote o promotor das isntalacións axeitadas para realizar a práctica da recría de becerras Hosltein. Os principais obxectivos deste proxecto son: obter beneficio económico, o benestar animal e conseguir que os labores diarios na explotación sexan livianos e cómodos para os operarios. A parcela na que se executará o proxecto pertence a Lestedo, concello de Boqueixón, é propiedade do promotor. Ésta cumpre todos os requisitos urbanísticos, ten unha superficie de 14.696 m2, acceso por estrada asfaltada, suministro de auga municipal e de rede eléctrica. Neste traballo fixéronse os cálculos constructivos da nave, que terá unha estructura de formigón prefabricado excepto a cimentación, que será executada “in situ”. Calcularanse tamén todas as instalacións necesarias para o correcto funcionamento da explotación, como son: a instalación eléctrica, de fontanería, de saneamento e zootécnica. Realizaranse tamen os cálculos constructivos dunha fosa de purín e dunha esterqueira. A nave terá capacidade para 180 becerras e será completamente aberta, sen ningún cerramento lateral ou frontal a excepción das cancelas que delimitan os módulos nos que se encontran os animais. As becerras cas que se traballará serán da raza Holstein que serán propiedad do promotor. A súa alimentación basarase en leite, palla e penso. Os animais permanecerán na nave dende os 3 días de vida ata os 22 meses. No apartado económico, o proxecto inclue o presupuesto detallado de todos os seus costes de execución, que ascende despois de impostos a 694.013,23 €.

Dirección
Fernández Rodríguez, María Elena (Titoría)

Tribunal
DIAZ VARELA, EMILIO RAFAEL (Coordinador)
DIAZ VARELA, EMILIO RAFAEL (Presidente/a)
RODRIGUEZ RODRIGUEZ, MANUEL RAMIRO (Secretario/a)
MENDEZ LODOS, MANUEL (Vogal)

Proxecto dunha nave para o destete de 250 tenreiros en Seoane de Arriba, Viana do Bolo (Ourense).

Autoría
J.E.C.
Máster Universitario en Enxeñaría Agronómica

Data da defensa
08.07.2025 10:00

Resumo
O presente proxecto (Proxecto dunha nave para o destete de 250 tenreiros en Seoane de Arriba, Viana do Bolo (Ourense)), ten como principal obxectivo dimensionar, deseñar e avaliar, conforme a todas as normativas actuais vixentes, aquelas infraestruturas necesarias para poder levar a cabo a actividade do destete de tenreiros. As instalacións a construír, situaranse nas cercanías da aldea de Seoane de Arriba , na parroquia de Solveira, situada no concello de Viana do Bolo, provincia de Ourense, concretamente nunha parcela de uso agrario que é propiedade do promotor. As construcións proxectadas son unha nave de 36 x 24,6 m, con estrutura de aceiro na que se levará a cabo a etapa de lactancia dos tenreiros.. No presente proxecto elabóranse todos os cálculos construtivos, de deseño e dimensionado das instalacións de saneamento, fontanería, electricidade e protección contra incendios ademais de levar adxuntos os seus pertencentes estudos de seguridade e saúde e xestión de residuos correspondentes. Ademais, descríbese con detalle todo o plan produtivo que a explotación presenta. Os becerros entrarán nas instalacións unha vez chegados dos mercados de Galicia, cunha idade mínima de 21 días. Durante toda esta etapa que será de aproximadamente 50 días, os animais estarán alimentándose con lactoremplazante, concentrado de iniciación e palla buscando en todo momento o máximo benestar tanto dos animais como dos propios traballadores da explotación. O presuposto de execución por contrata ascende a cantidade de 481.143,21 e estímase que a obra dure un total de 50 días laborais. A finalidade de dito proxecto é a de deseñar unha nave que lle permita ao promotor realizar o destete dos becerros necesarios para cubrir as necesidades das instalacións de cebo e complementar coa venda de animais destetados o resto do tempo para evitar ter as instalacións baleiras. Optimizarase o deseño e a construción do proxecto seguindo a normativa vixente de tal xeito que se terá en conta o máximo posible o benestar animal e facilitando o manexo e o traballo realizado polo persoal empregado.

Dirección
Fernández Rodríguez, María Elena (Titoría)
PEREIRA GONZALEZ, JOSE MANUEL Cotitoría

Tribunal
RODRIGUEZ RODRIGUEZ, MANUEL RAMIRO (Coordinador)
RODRIGUEZ RODRIGUEZ, MANUEL RAMIRO (Presidente/a)
CUESTA GARCIA, TOMAS SERAFIN (Secretario/a)
VAZQUEZ GONZALEZ, IBAN (Vogal)

Detección de claras mediante a análise de series temporais de imaxes Landsat

Autoría
S.G.L.
Máster Universitario en Enxeñaría de Montes

Data da defensa
08.07.2025 10:30

Resumo
Os bosques son ecosistemas que deben ser analizados de forma continua para a súa protección e conservación. A teledetección, xunto co emprego de series temporais de imaxes satélite, ofrecen unha nova perspectiva á hora de analizar a dinámica destes ecosistemas. Concretamente, a detección de perturbacións no ámbito forestal é un tema candente que empeza a demandar estudos que afiancen as técnicas desenvolvidas. Neste Traballo Fin de Máster explórase a capacidade que posúen os algoritmos de detección de cambios, como Composite2Change (C2C) e The Three Indices Three Dimensions (3I3D), e algoritmos de clasificación, como Support Vector Machine (SVM) e K-Nearest Neighbor (KNN), fronte á detección de claras. Este estudo emprázase no monte Aralar (Navarra), entre 1985 e 2023, e o seu principal obxectivo céntrase non só en detectalas, senón tamén en clasificalas por tipo e intensidade empregando series temporais de imaxes satélite Landsat. Traballar con series temporais Landsat requiriu un procesamento previo, con Google Earth Engine, para a descarga das series temporais e a eliminación do ruído. Ademais, foi necesaria a elaboración dunha base de datos de adestramento con información das actuacións executadas segundo os documentos de xestión. Por último, empregáronse os algoritmos de detección e clasificación de perturbacións, implementados no software ProLand, combinándoos con diferentes limiares e clasificacións para ver o seu desempeño. Os resultados obtidos represéntanse en forma de matrices de confusión, das cales se extraen estatísticos, como a porcentaxe de precisión xeral, que corroboraron a capacidade dos algoritmos na detección e clasificación das claras. As conclusións demostran a predisposición e sensibilidade dos algoritmos empregados para esta finalidade, destacando a estabilidade dos resultados obtidos con 3I3D.

Dirección
PEREZ CRUZADO, CESAR (Titoría)
LESTIDO CARDAMA, YAGO Cotitoría

Tribunal
PEREZ CRUZADO, CESAR (Coordinador)
DIAZ VARELA, RAMON ALBERTO (Presidente/a)
ALVAREZ GONZALEZ, JUAN GABRIEL (Secretario/a)
VILLARES PAZOS, RUBEN (Vogal)

Actualización do coñecemento do estado de conservación de dúas especies de moluscos terrestres que figuran coma ameazadas na Directiva Hábitat: Geomalacus maculosus e Elona quimperiana.

Autoría
O.G.V.
Máster Universitario en Enxeñaría de Montes

Data da defensa
08.07.2025 11:15

Resumo
Este traballo de investigación céntrase na análise da distribución de dúas especies de moluscos terrestres: Geomalacus maculosus e Elona quimperiana. Elaborouse un inventario de ambas especies nas provincias de Lugo e Ourense (Galicia), o occidente de Asturias, así como o occidente das provincias de León e Zamora. Para iso, realizáronse mostraxes cuantitativos nocturnos a pé, seleccionando os días con condicións óptimas de temperatura e humidade relativa co fin de maximizar a detección de exemplares. As zonas de mostraxe centráronse prioritariamente en espazos incluídos dentro da Rede Natura 2000. A partir dos datos bibliográficos obtidos e de citas adicionais procedentes de plataformas de ciencia cidadá (Inaturalist.org, biodiversidade.eu y observation.org), xeráronse modelos de distribución potencial para ambas especies utilizando variables bioclimáticas. No caso de G. maculosus, analizáronse 72 localidades, detectándose presenza en 44 delas, cun total de 510 individuos rexistrados e a confirmación de 30 novas cuadrículas UTM de 10x10 km. Para E. quimperiana, visitáronse 73 localidades, atopándose presenza en 32, o que permitiu ampliar a súa distribución coñecida en 22 novas cuadrículas UTM. As principais ameazas identificadas para ambas especies foron comúns: infraestruturas viarias, incendios forestais e o uso de produtos fitosanitarios, nesta orde de relevancia. Os resultados obtidos indican que o estado de conservación de E. quimperiana na zona de estudo non é óptimo, mentres que o de G. maculosus é de preocupación menor.

Dirección
CARRAL VILARIÑO, EMILIO V. (Titoría)
RODRIGUEZ LOPEZ, MARIA TERESA Cotitoría

Tribunal
PEREZ CRUZADO, CESAR (Coordinador)
PEREZ CRUZADO, CESAR (Presidente/a)
REAL RODRIGUEZ, CARLOS (Secretario/a)
VILLARES PAZOS, RUBEN (Vogal)

Scrum e o seu impacto estratéxico na xestión de proxectos de ti, enfoques para maximizar o valor real do proxecto

Autoría
E.G.L.
Máster Universitario en Dirección de Proxectos (2ªed)

Data da defensa
11.07.2025 17:00

Resumo
No contexto actual de transformación dixital e a necesidade de respostas áxiles aos cambios do mercado, moitas organizacións adoptaron Scrum, consolidando a súa posición como un dos marcos áxiles máis empregados para a xestión de proxectos informáticos debido á súa abordaxe iterativa e adaptable centrada na entrega de valor incremental. Non obstante, na práctica, moitos equipos non conseguen acadar o valor desexado debido a unha implementación deficiente desaliñada cos obxectivos estratéxicos do negocio. Este traballo de máster ten como obxectivo investigar como facilitar o uso de Scrum para garantir a súa adopción exitosa. Baseándose nunha revisión crítica da literatura, análise de estudos de casos, antipatróns, erros comúns e a experiencia de profesionais do sector, identifícanse as principais causas dunha implementación deficiente. Como resultado, propóñense un conxunto de mellores prácticas, recomendacións, técnicas e ferramentas que complementan o marco sen modificalo, ofrecendo vías prácticas de mellora. Esta investigación pretende ser unha referencia útil para Xestores de Proxectos, Product Owners, Scrum Masters e Desenvolvedores que buscan fortalecer a entrega de valor dentro dos seus equipos a través dunha adopción máis madura, consciente e aliñada dos fundamentos e principios de Scrum.

Dirección
AMIAMA ARES, CARLOS (Titoría)

Tribunal
BARRASA RIOJA, MARTIN (Coordinador)
BARRASA RIOJA, MARTIN (Presidente/a)
DIAZ VARELA, EMILIO RAFAEL (Secretario/a)
PEREZ CRUZADO, CESAR (Vogal)

Elaboración dun Plan de Prevencion de Incendios para o Concello de Friol (Lugo)

Autoría
C.I.L.
Máster Universitario en Enxeñaría de Montes

Data da defensa
08.07.2025 12:00

Resumo
A elaboración dun Plan de Prevención de Incendios resulta fundamental na organización e planificación das actividades necesarias para a defensa das persoas e os bens en materia de incendios forestais. Os cambios no réxime dos incendios dos últimos anos están levando aos Servizos de Prevención a actuar con antelación para evitar o máximo posible os incendios forestais e as consecuencias negativas que isto implica. Mediante unha análise da situación actual do municipio, tendo en conta as condicións do medio natural, a poboación, os sectores económicos e o risco de incendios en base a datos históricos, establécese unha planificación de prevención e extinción para combater os incendios forestais. Aplicando as actuais leis en materia de incendios e marcando como criterios básicos, unha organización da xestión da biomasa en zonas estratéxicas, o reforzo das infraestruturas de extinción e prevención, a concienciación e sensibilización da poboación nova e adulta, o reforzo da rede de vixilancia e mediante a imposición do réxime sancionador. Polo tanto, a aplicación das medidas necesarias para acadar os obxectivos establécese no documento exposto a continuación, onde se planifican as medidas máis adecuadas da xestión da biomasa, as estruturas de prevención, a colaboración cidadá e a vixilancia, para o Concello de Friol na provincia de Lugo.

Dirección
MAREY PEREZ, MANUEL FRANCISCO (Titoría)

Tribunal
PEREZ CRUZADO, CESAR (Coordinador)
PEREZ CRUZADO, CESAR (Presidente/a)
RUIZ GONZALEZ, ANA DARIA (Secretario/a)
GARCÍA ARIAS, ANA ISABEL (Vogal)

Documentación e modelado 3d BIM do castelo de Culzean mediante a combinación de datos aéreos e terrestres: Unha aproximación innovadora á conservación do patrimonio arquitectónico

Autoría
P.L.D.
Máster Universitario en Sistemas Aéreos non Tripulados

Data da defensa
10.07.2025 12:30

Resumo
Este traballo presenta un enfoque innovador para a documentación e modelado 3D do Castelo de Culzean (Escocia, Reino Unido) mediante a combinación de escaneo láser terrestre e fotogrametría aérea, co obxectivo de xerar un modelo BIM preciso e xeorreferenciado. Integráronse datos capturados coa Leica ScanStation P20 e o DJI Phantom 4 Pro, procesados respectivamente en Leica Cyclone Core e Pix4Dcloud. O resultado é un modelo tridimensional detallado, optimizado para a conservación do patrimonio, a xestión estrutural e a difusión dixital do castelo. A metodoloxía aplicada demostra a viabilidade do BIM no ámbito patrimonial, facilitando a planificación de futuras intervencións de conservación.

Dirección
Iniesto Alba, María José (Titoría)

Tribunal
Iniesto Alba, María José (Coordinador)
Iniesto Alba, María José (Presidente/a)
DIAZ VARELA, EMILIO RAFAEL (Secretario/a)
DIAZ VARELA, RAMON ALBERTO (Vogal)

Proxecto de Fin de Máster: Desenvolvemento es estratexia de xestión de proxectos de arquitectura sostible

Autoría
M.L.R.
Máster Universitario en Dirección de Proxectos (L)

Data da defensa
11.07.2025 20:00

Resumo
RESUMO A estratexia de xestión de proxectos de arquitectura sostible propón o deseño dunha vivenda unifamiliar situada en solo urbano en Menorca. O proxecto levarase a cabo nunha parcela de 521,28 m2, deseñando un programa funcional baseado nas necesidades requiridas polo propietario do proxecto para desenvolverse na planta baixa, primeira planta e exteriores. Permítese unha taxa de ocupación para a planta baixa do 25 % (125,98 m2) e do 15 % (72,87 m2) para a primeira planta, equivalente a 198,85 m2 de superficie construída. A estratexia baséase na metodoloxía PM2, definindo obxectivos, roles e responsabilidades das partes interesadas para desenvolver o alcance, o cronograma e o custo da solución proposta. Integra ferramentas tecnolóxicas de Modelado de Información de Edificios (BIM), que son compatibles coa modelización detallada nos procesos de análise, coordinación, toma de decisións e avaliación do desenvolvemento do proxecto, aplicables nas fases de inicio e planificación, facendo máis eficiente a xestión técnica, a construción, o funcionamento e a funcionalidade do deseño. O alcance do proxecto céntrase na implementación do concepto de sustentabilidade, co obxectivo de obter a certificación de Liderado en Enerxía e Deseño Ambiental (LEED). A viabilidade do proxecto defínese por características relevantes, establecendo criterios ambientais, regulamentarios, económicos e sociais. Tamén especifica especificacións técnicas para a eficiencia enerxética, materiais ecolóxicos, eliminación final de residuos e uso axeitado dos recursos. As etapas de inicio e planificación do proxecto executáronse a satisfacción do promotor e dos obxectivos do alcance. Seleccionouse a construtora (Obras Salom) e o proxecto está listo para a seguinte fase de execución e peche. A normativa vixente para o deseño, construción e posta en servizo da vivenda está recollida na Lei de Normas de Edificación (LOE) e no Código Técnico de Edificación (CTE). Estes requisitos básicos céntranse en garantir: - Seguridade: estrutural, contra incendios, de uso e accesibilidade; para que non supoña un risco para os ocupantes. - Habitabilidade: manter unhas condicións óptimas de saúde, hixiene e protección ambiental no interior da vivenda; protección contra o ruído; estabilidade enerxética mediante a implementación de alternativas renovables como os paneis fotovoltaicos. - Funcionalidade: Proposta de deseño con boa disposición, distribución e dimensión dos espazos; contornas inclusivas; acceso a servizos, comunicación e información.

Dirección
DIAZ VARELA, EMILIO RAFAEL (Titoría)

Tribunal
BARRASA RIOJA, MARTIN (Coordinador)
BARRASA RIOJA, MARTIN (Presidente/a)
AMIAMA ARES, CARLOS (Secretario/a)
PEREZ CRUZADO, CESAR (Vogal)

Análise de madurez empregando PM2 para a dirección rs Lounge no Dania Casino, Miami, Florida.do Smoke

Autoría
C.S.L.R.
Máster Universitario en Dirección de Proxectos (2ªed)

Data da defensa
11.07.2025 19:00

Resumo
Este Traballo de Fin de Máster presenta unha análise crítica da xestión do proxecto de ampliación denominado Smokers Lounge, situado en Miami, Florida. Empregouse como marco de avaliación a metodoloxía PM2, desenvolvida pola Comisión Europea. A través dunha comparación exhaustiva entre a execución real do proxecto e o modelo de configuración proposto por PM2, realízase unha análise de madurez da xestión para avaliar se a aplicación desta metodoloxía favorece este tipo de proxectos e de que forma afecta ao resultado. O estudo identifica a ausencia dunha definición clara do alcance, dunha xestión de riscos anticipada e dun control de calidade claro e estruturado. Finalmente, aplícase o método do valor gañado para determinar a porcentaxe de desviación en custo e prazo. Como conclusión, evidénciase que a aplicación selectiva das ferramentas clave de PM2 podería ter reducido significativamente os sobrecustos, atrasos e conflitos contractuais producidos durante a execución do proxecto.

Dirección
PEREZ CRUZADO, CESAR (Titoría)

Tribunal
BARRASA RIOJA, MARTIN (Coordinador)
BARRASA RIOJA, MARTIN (Presidente/a)
DIAZ VARELA, EMILIO RAFAEL (Secretario/a)
AMIAMA ARES, CARLOS (Vogal)

Construción de ecuacións de estimación de carga e desenvolvemento de modelos de combustible en sotobosque de frondosas en Galicia

Autoría
V.M.V.
Máster Universitario en Enxeñaría de Montes

Data da defensa
08.07.2025 09:00

Resumo
Os estratos de sotobosque, follaxe e mantillo desempeñan un papel moi importante no funcionamento dos ecosistemas forestais tépedos. Interveñen na regulación do ciclo de auga e de nutrientes, afecta o establecemento de especies arbóreas e proporciona refuxio e alimento á microe macrofauna entre outras cousas. Con todo, a acumulación de combustibles no sotobosque é un factor que afecta o risco de incendios forestais, particularmente a acumulación de combustibles finos, xa que é a fracción que máis contribúe á propagación do lume. É por isto, que o desenvolvemento de modelos de estimación de cargas de combustible do estrato de sotobosque permitindo diferenciar as fraccións fina e grosa, e o estado fisiolóxico vivo ou morto do combustible fino, así como modelos para estimar as cargas do estrato de follaxe e mantillo é tan importante para unha xestión forestal sostible e resiliente a incendios. Así pois, partindo de datos de carga de biomasa por métodos destrutivos no sotobosque de masas de frondosas autóctonas, empregáronse modelos alométricos para poder estimar cada fracción de biomasa por separado (biomasa total, grupo 1, grupos 2 e 3 e grupo 1 vivo e morto). Tivéronse en conta non só variables do sotobosque, senón tamén do mantillo e a vexetación arbórea, e distinguiuse o estado fisiolóxico (morto ou vivo) da fracción fina. E, doutra banda, desenvolvéronse modelos de combustible personalizados e únicos para comunidades de matogueira arborizada, helechales e follaxe, utilizando a análise de conglomerados k-medoids, baseado tanto nas características estruturais do combustible como no comportamento potencial do lume estimadas mediante o método de Rothermel. Finalmente, As características estruturais da parcela representativa de cada conglomerado (medoide) asociáronse a cada un dos catro modelos de combustible propostos para comunidades de matogueira, os tres modelos de combustible propostos para helechales, e o único modelo proposto para follaxe.

Dirección
ALVAREZ GONZALEZ, JUAN GABRIEL (Titoría)

Tribunal
PEREZ CRUZADO, CESAR (Coordinador)
PEREZ CRUZADO, CESAR (Presidente/a)
DIEGUEZ ARANDA, ULISES (Secretario/a)
Rojo Alboreca, Alberto (Vogal)

avaliación do plan de xestión dunha quinta (chalé) en caurimare, caracas, venezuela.

Autoría
A.A.P.S.
Máster Universitario en Dirección de Proxectos (2ªed)

Data da defensa
11.07.2025 19:30

Resumo
O presente Traballo de Fin de Máster ten como obxectivo analizar que sucedería se se aplicou a metodoloxía PM2 na realización dunha obra de remodelación integral dunha vivenda situada en Caurimare, Venezuela. A obra, a cal se realizou sen un enfoque de xestión de proxectos, presentou varias problemáticas durante a súa realización presentando importantes desviacións en tempo, custos e calidade. Este traballo ten como obxectivo desenvolver unha revisión crítica da obra a través da xestión de proxectos. Esta revisión céntrase no primeiros seis controles da obra (entre o 17 de xuño e o 13 de setembro de 2024) e aborda áreas crave como o alcance, custos, tempos, comunicación, riscos e calidade. Descríbese detalladamente o proxecto executado, os seus fitos, partes interesadas, restricións e criterios de éxito. Faise énfase na comparación entre a planificación orixinal e a execución real, revelando un atraso significativo de seis meses e variacións importantes en deseño e acabados. Entre as principais fallas destacan varios erros de planificación, falta de control de cambios, carencias na xestión de riscos e unha comunicación desorganizada, o que resultou en impactos negativos en custos e tempos. A través da análise PM2, propóñense melloras concretas, a través de ferramentas e artefactos, como unha matriz de comunicación estruturada, rexistros formais de riscos e unha desagregación de tarefas claro na EDT. Finalmente, preséntanse leccións aprendidas que subliñan a importancia dunha boa planificación, unha definición precisa de roles e unha xestión de stakeholders para evitar desviacións críticas en futuros proxectos.

Dirección
DIAZ VARELA, EMILIO RAFAEL (Titoría)

Tribunal
BARRASA RIOJA, MARTIN (Coordinador)
BARRASA RIOJA, MARTIN (Presidente/a)
AMIAMA ARES, CARLOS (Secretario/a)
PEREZ CRUZADO, CESAR (Vogal)

Emprego de programación non lineal para a planificación forestal multiobxectivo no Monte Veciñal en Man Común de Argán de Moncelos (Abadín, Lugo)

Autoría
C.P.C.
Máster Universitario en Enxeñaría de Montes

Data da defensa
08.07.2025 09:45

Resumo
As cifras do sector forestal en Galicia xustifican a necesidade de elaborar instrumentos de planificación que garantan a sustentabilidade do recurso e o seu óptimo aproveitamento. Neste sentido, as técnicas de programación matemática poden ser un instrumento adecuado para apoiar a toma de decisións na xestión forestal. Neste traballo empregouse unha metodoloxía baseada en programación non lineal para planificar as cortas de rexeneración no Monte Veciñal en man común de Argán de Moncelos (Abadín, Lugo), desde un enfoque multiobxectivo no que se tiveron en conta catro compoñentes: a produción de madeira, o valor do solo e do voo, a constancia de rendas e a regulación do monte. Formuláronse diferentes problemas con variables de decisión continua que se resolveron mediante unha combinación do método de pesos e un algoritmo de tipo gradiente (LBFGSB), obtendo como resultado o conxunto de solucións óptimas non dominadas e a súa fronte Pareto asociada. Con isto, o tomador de decisións (propietario ou xestor do monte) dispoñerá de toda a información necesaria para seleccionar a combinación de obxectivos que mellor satisfaga as súas preferencias. Os resultados permitiron atopar interrelacións entre os obxectivos expostos, estando o valor do solo e do voo moi vinculado coa produción de madeira, así como a constancia de rendas coa regulación do monte. Este traballo demostra a viabilidade do uso da programación non lineal para a planificación forestal multiobxectivo en propiedades de extensión suficiente como a maior parte dos montes veciñais en man común de Galicia.

Dirección
DIEGUEZ ARANDA, ULISES (Titoría)
VAZQUEZ MENDEZ, MIGUEL ERNESTO Cotitoría

Tribunal
PEREZ CRUZADO, CESAR (Coordinador)
PEREZ CRUZADO, CESAR (Presidente/a)
ALVAREZ GONZALEZ, JUAN GABRIEL (Secretario/a)
Rojo Alboreca, Alberto (Vogal)

Manual para directores técnicos de extinción na xestión de emerxencias por incendio forestal

Autoría
O.Q.L.
Máster Universitario en Enxeñaría de Montes

Data da defensa
08.07.2025 12:45

Resumo
O obxectivo principal deste traballo é proporcionar un manual práctico e estruturado para guiar aos Directores Técnicos de Extinción (DTE) na xestión de emerxencias por incendios forestais, un campo cada vez máis complexo ante a evolución dos riscos climáticos e territoriais. Baseado na experiencia acumulada polo autor durante máis de 20 anos dirixindo unidades de resposta e a normativa vixente, o documento sistematiza conceptos clave, responsabilidades, procedementos operativos e ferramentas técnicas e tecnolóxicas esenciais para o desempeño eficaz das funcións de xestión en contextos de alta presión, abordados desde os alicerces do Sistema de Xestión de Emerxencias (SXE). O traballo estrutúrase nunha sección teórica e normativa e unha segunda sección eminentemente práctica con listas de verificación, formularios del Incident Command System (ICS) e anexos técnicos para axudar ao DTE na toma de decisións. O documento salienta a necesidade de planificar cada intervención como un proceso estruturado de análise, avaliación e toma de decisións baseado en obxectivos medibles, priorizando a seguridade humana e a eficacia operativa, co fin de consolidar unha cultura de xestión baseada no coñecemento en lugar da improvisación. Unha conclusión clave é que cada incendio, independentemente da súa magnitude, debe ser abordado cun Plan de Acción organizado e un marco organizativo definido, que permita unha verdadeira profesionalización do rol do DTE.

Dirección
RUIZ GONZALEZ, ANA DARIA (Titoría)

Tribunal
PEREZ CRUZADO, CESAR (Coordinador)
PEREZ CRUZADO, CESAR (Presidente/a)
Rojo Alboreca, Alberto (Secretario/a)
RODRÍGUEZ SOALLEIRO, ROQUE (Vogal)

Avaliación do tratamento do lume prescrito como ferramenta de xestión do combustible en toxais de Ulex europaeus na Comarca de Ordes (A Coruña)

Autoría
M.R.O.
Máster Universitario en Enxeñaría de Montes

Data da defensa
20.02.2025 10:00

Resumo
A poboación rural en Galicia, e por extensión en todo o país, experimentou un abandono demográfico progresivo e un envellecemento da súa estrutura de idade nas últimas tres ou catro décadas. Este fenómeno tivo un impacto directo na diminución de actividades como a explotación de recursos forestais, a cría extensiva de gando en zonas montañosas e o uso de pastizais. A falta de uso destas áreas rurais levou a unha acumulación significativa de material combustible, principalmente debido á expansión de masas densas de matogueiras pirófitas, como as especies pertencentes aos xéneros Ulex, Erica e Cytisus. Estas matogueiras, presentes tanto en áreas sen arborado como debaixo deste, son unha das principais causas da alta intensidade e virulencia dos lumes forestais en Galicia, cuxa extensión, densidade e risco aumentan cada ano. Poden ser implementadas diversas medidas para abordar este importante problema galego, incluíndo labores de prevención, concienciación e divulgación, tal como se establece na lexislación estatal (Lei 43/2003 de montes) e autonómica (Lei Orgánica 1/1981 de aprobación do Estatuto de Autonomía, Lei 3/2007 de Incendios Forestais de Galicia, Lei 7/2012 de Montes de Galicia ou o Plan anual de Prevención e Defensa contra Incendios Forestais de Galicia). A silvicultura preventiva comprende un conxunto de accións dirixidas a aumentar a resistencia á propagación de lumes ao reducir a carga de combustible. Entre estas accións atopamos as queimas prescritas, unha ferramenta silvícola rápida, de baixo custo e efectiva que pode cambiar esta dinámica ao reducir o material combustible forestal con diversos obxectivos posibles. O obxectivo deste traballo é avaliar a efectividade e durabilidade no tempo do impacto do lume prescrito na redución da carga de combustible, así como no comportamento do lume potencial en matogueiras de Ulex europaeus na zona. Con vistas a anticipar e planificar accións fundamentais para prevenir e mitigar os efectos devastadores de lumes forestais potenciais. Este enfoque proactivo non só contribuirá á preservación do ecosistema, senón que tamén permitirá mellorar a capacidade de resposta e a xestión dos recursos forestais fronte a posibles emerxencias incendiarias.

Dirección
RUIZ GONZALEZ, ANA DARIA (Titoría)
OMIL IGNACIO, BEATRIZ Cotitoría

Tribunal
PEREZ CRUZADO, CESAR (Coordinador)
PEREZ CRUZADO, CESAR (Presidente/a)
RODRÍGUEZ SOALLEIRO, ROQUE (Secretario/a)
González Hernández, María del Pilar (Vogal)

Proxecto de construción de nave para cebo de 1000 porcos en Barxa, Castro de Rei, Lugo

Autoría
J.S.L.
Máster Universitario en Enxeñaría Agronómica

Data da defensa
19.02.2025 11:00

Resumo
O presente proxecto “Proxecto de construción de nave para cebo de 1000 porcos en Barxa, Castro de Rei, Lugo” ten como obxectivo deseñar e dimensionar todas as infraestruturas e instalacións necesarias para levar a cabo a ceba intensiva de 2.865 porcos ao ano e a xestión do xurro producido, cumprindo toda a normativa aplicable. A explotación situarase nas parcelas 94 e 95 do Polígono 5, en Barxa, no concello de Castro de Rei. As parcelas son propiedade do promotor e están catalogadas como Solo Rústico de Protección Agropecuaria. As construcións proxectadas son unha nave de 70 m x 15 m, cunha estrutura de pórticos triarticulados, excepto nos pórticos cabeceiros, nos que estará formada por pilares prefabricados e vigas cargadeiro. A nave presenta un anexo de 9,2 m x 3,4 m no que se instalará unha mesturadora de pensos e que dará acceso ao peirao de carga. O purín almacenarase en dúas cisternas flexibles cunha capacidade de 500 m3 cada unha que irán instaladas sobre unha soleira de 41 m x 18 m. Sobre a cuberta da nave de cebo montarase unha instalación solar fotovoltaica para producir boa parte da enerxía consumida na explotación. No proxecto realizarase o dimensionado e o deseño das instalacións de electricidade, fontanería, saneamento, ventilación, fotovoltaica e protección contra incendios. Tamén se levará a cabo un estudo básico de seguridade e saúde e outro de xestión de resíduos. O presuposto de execución por contrata ascende a 832.441,79 € e a duración estimada da execución será de 59 días laborais. O obxectivo do proxecto é conseguir unha explotación competitiva para o cebo de gando porcino, aplicando técnicas de explotación actualizadas e un manexo e sanidade óptimos, minimizando o impacto sobre o medio ambiente e maximizando o benestar animal.

Dirección
FERNANDEZ RODRIGUEZ, MARIA DOLORES (Titoría)
Besteiro Doval, Roberto Cotitoría

Tribunal
DIAZ VARELA, EMILIO RAFAEL (Coordinador)
DIAZ VARELA, EMILIO RAFAEL (Presidente/a)
RODRIGUEZ RODRIGUEZ, MANUEL RAMIRO (Secretario/a)
Fernández Rodríguez, María Elena (Vogal)

Plan de xestión e proxecto dunha planta de tratamento de Residuos Sólidos Urbanos na provincia de Lugo.

Autoría
M.T.S.R.
Máster Universitario en Dirección de Proxectos (2ªed)

Data da defensa
11.07.2025 16:00

Resumo
O Plan de Xestión na fase de planificación da planta de tratamento de residuos sólidos urbanos en Lugo ten como fin establecer un marco estratéxico, técnico e organizativo que oriente o desenvolvemento integral do proxecto. Este plan garante que a execución e operación futura da planta leve a cabo baixo principios de sustentabilidade, eficiencia e estrito cumprimento normativo, conforme ás directrices europeas, nacionais e autonómicas. A necesidade deste proxecto radica na crecente xeración de residuos e a obrigación de implementar solucións modernas, sostibles e responsables desde o punto de vista ambiental. A actual infraestrutura de xestión de residuos presenta limitacións para responder eficazmente os desafíos ambientais, sociais e económicos que expón o desenvolvemento urbano e rural na provincia de Lugo. Entre as vantaxes crave do proxecto destacan: Redución do impacto ambiental mediante tecnoloxías avanzadas que permiten unha maior valorización de residuos e unha diminución significativa da cantidade destinada a entulleiras. Contribución á economía circular, transformando residuos en recursos útiles como compost ou enerxía. Xeración de emprego local tanto na fase de construción como na futura operación. Cumprimento dos obxectivos climáticos e de xestión de residuos fixados pola Unión Europea. Fortalecemento da gobernanza ambiental, promovendo a colaboración entre administracións públicas, empresas privadas e cidadanía. Mellora da calidade de vida dos habitantes mediante unha contorna máis limpa, saudable e resiliente. O plan tamén se articula coa Avaliación de Impacto Ambiental (EIA), ferramenta clave para identificar, previr e mitigar os efectos negativos do proxecto na contorna natural e humano, garantindo así que as decisións tomadas durante a planificación respondan a criterios técnicos rigorosos e de responsabilidade ecolóxica.

Dirección
AMIAMA ARES, CARLOS (Titoría)

Tribunal
BARRASA RIOJA, MARTIN (Coordinador)
BARRASA RIOJA, MARTIN (Presidente/a)
DIAZ VARELA, EMILIO RAFAEL (Secretario/a)
PEREZ CRUZADO, CESAR (Vogal)

Proposta de mellora de procesos para a xestión de proxectos nunha axencia de marketing: modelo de xestión baseado en Kanban

Autoría
M.V.A.
Máster Universitario en Dirección de Proxectos (2ªed)

Data da defensa
11.07.2025 17:30

Resumo
A xestión de proxectos en axencias de márketing dixital enfróntase ao desafío de equilibrar a creatividade coa eficiencia, un reto que, sen procesos formalizados, a miúdo deriva nunha operativa reactiva e nunha falta de visibilidade do fluxo de traballo. Este Traballo Fin de Máster aborda dita problemática a partir do diagnóstico dunha axencia específica, cuxa análise evidenciou deficiencias estruturais na coordinación, na asignación de tarefas e na comunicación. O obxectivo principal é, por tanto, desenvolver unha proposta de mellora para optimizar os procesos de xestión mediante o deseño dun modelo baseado no método Kanban. A metodoloxía aplicada é de carácter cualitativo e céntrase nun estudo de caso único. Comprende un diagnóstico exhaustivo da situación actual, empregando ferramentas como o diagrama de Ishikawa para identificar as causas raíz dos problemas e unha análise comparativa posterior que proxecta o impacto do modelo proposto sobre un proxecto real. A proposta resultante é un modelo de xestión adaptado que, fundamentado en Kanban, define o ciclo de vida do proxecto, formaliza xestións complementarias clave e estrutura o fluxo de traballo a través dun taboleiro visual con políticas explícitas, roles definidos e límites de Traballo en Curso. Dito modelo apóiase na ferramenta colaborativa Notion, seleccionada tras unha rigorosa análise multicriterio. Conclúese que a profesionalización da xestión a través dun modelo Kanban adaptado constitúe unha solución efectiva e de alta idoneidade para as ineficiencias detectadas. A implementación deste marco de traballo visual e estruturado non só mellora a preditibilidade e a eficiencia operativa, senón que establece as bases para unha cultura de mellora continua, achegando un valor tanxible e sustentable tanto para a axencia como para os seus clientes.

Dirección
BARRASA RIOJA, MARTIN (Titoría)

Tribunal
BARRASA RIOJA, MARTIN (Coordinador)
AMIAMA ARES, CARLOS (Presidente/a)
DIAZ VARELA, EMILIO RAFAEL (Secretario/a)
PEREZ CRUZADO, CESAR (Vogal)

Análise e estudo de ferramentas orzamentarias. Problemática da orzamentación de proxectos

Autoría
A.F.W.S.
Máster Universitario en Dirección de Proxectos (2ªed)

Data da defensa
11.07.2025 18:00

Resumo
A orzamentación constitúe unha ferramenta esencial na xestión económica dos proxectos de construción, ao permitir estimar, planificar e controlar os custos dende as fases iniciais. No contexto español, esta actividade baséase fundamentalmente en dous tipos de ferramentas dixitais complementarias: os Programas Informáticos de Medicións e Orzamentos (PIMP), empregados para elaborar e organizar os orzamentos de obra, e as Bases de Datos para a Orzamentación (BDP), que achegan prezos unitarios actualizados e adaptados a distintas variables do proxecto. O presente estudo ten como obxectivo analizar comparativamente as principais ferramentas orzamentarias empregadas en España, identificando fortalezas, debilidades e oportunidades de mellora no seu uso combinado. A través dunha revisión técnica e crítica, avalíanse aspectos como a interoperabilidade, a normalización dos formatos e a coherencia na estrutura dos datos, factores clave para garantir orzamentos fiables, trazables e axustados ao mercado. Os resultados evidencian que unha orzamentación eficaz require algo máis que datos: esixe análise técnica, contexto de aplicación e coñecemento normativo. As bases de prezos non deben empregarse de forma automática, senón como referencia adaptable e suxeita a revisión crítica. Ademais, o uso combinado de software e bases técnicas mellora significativamente a calidade do orzamento, pero só cando vai acompañado dunha interpretación profesional sólida

Dirección
BARRASA RIOJA, MARTIN (Titoría)

Tribunal
BARRASA RIOJA, MARTIN (Coordinador)
AMIAMA ARES, CARLOS (Presidente/a)
DIAZ VARELA, EMILIO RAFAEL (Secretario/a)
PEREZ CRUZADO, CESAR (Vogal)